أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

جروَحي تگعِد من أريـٰد أطبگِ جفّن ..
والزراگ الـ بالسمـِٰا من إيروح أحـّن !


- باهر الجنديل

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عشت عمري طفوله وشيب
وضگت لوعة جرح محروگ
اتوسل وانا المابيه حيل انشال
صافي عود يابس والامل مخنوگ
حلم كل شاب حلقة وبدلة معرسين
وحلمي من المهد عاجر يربي فتوگ
ويهز كاروك شوغة مكبرة بنص ليل
بين دموع حرمة وبين صوت حلوگ

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عمر مبيوگ
خنكني الليل واتامل واگول ارتاح
اباع بريتي مدري شكم نفس مفتوگ
عمر مبيوگ
اعض اصبع ندم ماعندي واحد ضال
من گد الندم متروس چفي حلوگ
عمر مبيوگ

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كلتلها يمه شبيج ها ولفي وينه
كالتلتي ولفك راح طار امندينه
كلتلها يمة ارجاج كاتلني قهري
ولفي وبعد ميعود كاسرلي ظهري
گالت
عشگك عشگ بردان والدنيا جمرة
لبسوها حلقه اليوم والبدله حمرة
عيدي الحجي الكلتي يايمه عيدي
گلبي شبع طعنات وانشلت ايدي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حــــيل توجع دمعة الفاكد نظر
#وحــــيل توجع ضحكة اخرس لو عثر ..
#وحيــــل توجع صفنة الميت قهر
#بس مو مثل الفاكد وِلَفِّ وعاش
#مكســــور #الظهر...

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

انتهيت
وبيه احس حسرة مفارگ
كاعد يغسل شهيد

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كلها كبور
عليمن يا وكت تحصدنا واحنه صغار
تعب جف المنيه بشيلة الشاجور
كلها كبور

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

من احجي واسولف ظيم مال سنين
اذا اشوف البلابل تاكل بعصفور
واذا اشوف ام شهيد تكول وين الثار
كلها تصفكلها تصيح ما مجبور
اذا اشوف الفقيره تحجي ويا الله
وتشيغ من الحزن من يشتعل تنور
بسك يا وطن حتى النفس مجروح
اذا نشهكـ عراق نطلع احلى كبور
ل ابراهيم الصالحي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وجهك ابيض لكن النية سواد
يضيع بيها الليل ويخاف الگمر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

شلون اوصفك يا وطن وانته العراق
جنة الله و ابد ما عندك عيوب
شلون اوصفك وانته يوميه شهيد
من الشمال دموعنه لحد الجنوب
ربي باوع بس علينه شكد نموت
واحنه نعرف بيك علام الغيوب
ربي احلام العراقي هي وحده
زيحهم لهل الكراسي وخلي واحد
غيرة عندة حتى لو ياخذ حبوب


#ابراهيم_الصالحي