أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ادور ..
ياشوارعنه ..
غريبه الناس
ادور ..
ياحدايقنه ..
ذبلنه ..
وصرنه ورگة ياس
وين الگاك ؟
وين اشهگ..
واموت وياك ؟
يالصارن اعيوني ..
بسچتك حراس
امشيلك شواطي الليل
وانت انجوم تبرالي
كل روجه بجرفهه تنام ..
وانت تظل
گمر عالي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وانه ونجواك ..
طاحونة هوى..
ويفرنه
الهوى العالي
ونظل انه وهواك اندور ..
يا صفصافة الغربه
امس ..
واقلامنه بگلبج تخط اسطور
امس جنه
على بيوت المحله
اطيور
اشد عيوني عالشباج
فانوس لسماك اربه
احس گلبي اليحبك طير ..
طاح ..
بشبچة الغربه
بعيد انت ..
وبعيد اني ..
وكل واحد نصب تمثال
للثاني ..
بوسط گلبه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وارخص وانشرى وانباع
مدري بيا رصيف تصير شذرات العمر سلعه،

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ياحفنة شذر طرز وجنتة الليل ..
ياضحكات مصباحه
لگيتج يالعله اعيونچ تموت اسنيني مرتاحه
غصن مد ابسواجي الروح..
سباحة .

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مره شفتج مزهريه
وردت فوك الجرح ..
ومره شفتج ليله شگره
سهرتني اضنونها
لوجه الصبح.

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ومره شفتج مدري شنهي ...
لو معابر ..
لو قطار ايوصل اسنيني لمحطات الصبح
ومره
لومرتين شفتج
طير جاي امن الجزيره
وحط على اعيوني
ونكت بيهن ملح
ومره شفتج بيد غيري
امرايه..
راوتني حزن روحي الغريبه ...
وزتت اضنوني بتوابيت
الصبح .!!! الكبير كاظم اسماعيل الگاطع

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اقوة من هواي ناس
واقوى مني ..
علمتني اسكت واغمض
والصبر طال وكتلني
علمتني دروس مرة
وبين يوم ويوم
بدروسك تجي وتمتحني..
تكتل المكتول .. تبچي
ومن تكف الناس فوگ اجنازته
توگف تغني .!
وانت قصتك مدري شنهي .??

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تريد اعيش بثوب واحد
ما ابدل ثوب حزني
بداخلك ما ادري شنهي
تبتسم لمن تذلني
ومن تدنيت واجيتك
گلت اكثر تدني
فد قدر گلش غريب
الشمس لبعيدة وتكللهه دني
شگد نخيت الاقوى منك
سد اذانه وما سمعني
ع الجرف وانتظر موتي ..
خاف تيارك يجرني
اغدرت بالجان گبلي
والسرة يمكن وصلني
وما احبك يالزمانك شجرة
وابابك شتلني
غلطة جابتني اعله بابك
والذياب النايمة ابابك كلني .

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وين صبّح؟
مدري والله..بليل مظلم فارگيته
وين مسّه..؟!
من طلع ماسد وراه الباب
لكن بالدرب هم بمشيته
دوره..؟
-كَتلك مالكَيته
شوف كَلبك..؟
جان كَبل سنين بييته
شوف صدرك؟
يكره المصدور ريته..
شوف ضلعك؟
مثل عود العنب يابس
وايست منه وطويته
دوره؟؟

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كَتلك ..مالكَيته
ليش عفته؟؟..
اعطشت مره وماسكَاني..
وعطش مره ومارويته
شوف صندوك الاسرار
بدون رزه
وكل حجي البيهن حجيته..
شوف عينك؟
ماكو بيها..
شوف عينك؟!
جان بعيوني وبجيته.
زين ماشافو النار
وفطنوا السلة متاعك
زين ماشافو ادموعي
جالكَو بحر الدمع تابع اشراعك
زين ماشافوا ازنودي
جالكَو شبكَة وداعك
زين محد منهم أشتم
ريحة البوسة اعله خدي
وعالصدر دفو المكان البي
اذراعك
اسهر بفنجان فارغ
واكلب الروح اعله نارك
بسمك وطشيت حرمل
وزوكت خدي بشرارك
جنت مافطن الحسنك
لجن بّينلي البعد
كل الجمال بسد سمارك
ليش؟؟
وانت بعيد احبك
ومن جنت وياي
كل ساعة انتعارك!