أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مابين شوگ وصبر رﭐحت هوﭐي
سنين

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تراهمنا اعلى حب الله
وتطشرنا بطرف ثالث

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

انه مثل الفرص لو ضاعت انساني
-القَدر مكتوب ، مو اني

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏مري بيه عيون خرسه
مري بيه دموع وكحه
مري بيه ظنون تشنقني الصبح بين الدروب
مري بيه حروف عمية
لشاعر برقة حديثة
بلا سبب يطفة ويذوب
مري استري دموع عيني
دموعي تمشي اعلى الخدود بلايه ثوب
مري بيه نجوم تبچي
وديره مستاحش ضواها
ونهر طعناتة بجروفه
ويبدي ونه من الغروب وللغروب
‏مري بيه سنين صغري الضاعت بديرة عيونجوالبقه من سنين عمري تراب منثور إعلى چفچ
وانتي طشيني إعلى گاع الما جدح بيها حنين
مري بيه وخل ارسمج بالخيال بفكر شاعر
صوره من طعم العسل
وأشربها يوميه الصبح ويه الونين
مري بيه سنين عمري بلايه طولج مو سنين
‏مري بيه العين مشتاگه لدلالچوالدمع مل الركود
يريد يطفح موج شوگ
وياخذ سنيني بسفينة
اي وين رحتي ؟
اخذي دينج گله مني
اخذي روحي .. ليش روحي
بلا سبب يمي رهينه
مري بيه طيور بيضه
ونورس يدور إعلى ديرتنا الحزينه
الشوراع دمع نثية
وتنشغ شفاف المدينه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏مري بيه وأخذي روحي أبين دمعچ
نهر مديني إعلى خدچ
عاف روحه وضيع جروفه وطريقة
مري بيه انسان فاشل
گضه عمره يحب خيالج وانتِ محبوبة صديقة
مري بيه انسان ضايع
رسم وجهچ على الخيال
وضاع ما بين الوهم بين الحقيقه
مري بيه الدنيا لبست ثوب ليل
وضيعت ثياب النهار
‏مري لحظة عشگ مشموره اعلى بابيحتى اعوف گبور بدر
واحفظ أبيات لنزار
مري بيه الصبح يبچي بلايه شوفچ
مري بيه الظهر خانگتة بچفوفچ
مري بيه الليل صافن
خال خده إعلى الغروب وينتظر حلة زلوفچ
وانتَ يا تؤام حياتي
گبالي غازلها بجساره
ويله انتي شويه من خجل العذارى
وحطي عينچ بالسراب
‏بلگت تشوفين واحد فاگ من ضلوعه باب
بلكت تشوفين عمري المندفن جوه التراب
وگلب متشظي أعل زلفچ
گضه عمره من الصغر عاشگ سراب
مري اول بسمه چذابه اعل شفتي
مري اول نسمه چذابه اعل صدري
مري اول فرحه چذابه اعل عمري
وفرحي عمري اليتمته سنين صدچ

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يا اللهي شكد احبك.. وانته تدري بدربي دنيا وضاع كلمن عاف دربك.
. وآنه ادري هذا چفك فوك صدري.
. بكلشي اشوفك بكلشي احسك آنه احبك يلي وحدك من عشگّتك كمت احس العشگ عذري.
. ما كو مثلك ما تعوفة اللي يعوفك وما تهجّرة اللي يهجرك ..
. واليذكرك ادري بيك تحبه حيل وادري بيك تحبه حيل الما يذكرك .
. وماكو نار ما اصدك جفك يعذب عباد وهونفسه اليمسح بشعر الصغار..
انت يمكن خالق لناسك نهار وبالغلط فسروها

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

هي الدنيا للمرتاح راحة بال وهي الگاع للبي بخت عدلة ادور..
وهو الليل للميخاف گحلة بعين.. وهو الخوف للمينام سفرة بزور..
واني لوحدي وصفناتي بي چفوف تخنگني وتفرني بخلگ من ناعور.
. مو شرط التبلعة الگاع ميت صار
.. اعرف ناس عدلة وتندفن بگبور.
. يهنيال الينام الليل مثل الطير..
شما طال السهر ميخوف الناطور.
. بس العندة حسبة وخايف من الموت..
اذا يسمع صدى أمة يگول حس شاجور.

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ادور گاع مابيها گبر وتراب
وأحلم بالبشر ضحكات تبرالي
وأنه شفادتني كل شفاف اليضحكون
وهية ظنوني وادم تآكل ببالي هاي الناس مابيها
وطن واحلام بس الموت من عدها يتراوالي طببني الشعر لگبور ما فاتوها كل الماتو گبالي..

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

هذا الكلب لو ينساك للسوك اجيبه...
واكتب عليه للبيع خاين حبيبه...

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

الناس تحجي بحلاتك واني غامرني السكوت...
خاف من احجي بحلاتك يصعد السكر واموت...