أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اريد انصب مناحه وادك بالدار
لمن شريان كلبي يكف بالدار
ابدلنك حبيبي تظن بالدار
الدر يهون وانته اغلى عليه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

زرعتك نيتي تخضر يتالي
وبناي الراح من عندي يتالي
حرت مدري شسويلك يتالي
صرت مثل اولي واكصيت بيه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اوديلك طيوفي يرجعن مدنكَات
استحن لمن لكَنك تحلم بغيري

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تحل حبل الوصل بيدك وانا أشد **
وجديد من الشعر أكتبلك و أنشد **
تراني متابع أخبارك وأناشد **
عزيز أنته وتظل غالي عليه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كتاب الله محبتهم وردهه
نحس بيها ونشم ريحة وردهه
أذا للشمس رجعها وردهه
بعد شتريد من حامي الحميه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حبيبي العمر يركض مايتاني
وانه العطشان منك مايتاني
تعال اليوم باجر مايتاني
ولو بآخر نفس تلحك عليه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

طعم شفتك حبيبي عسل ويجوز
ومنك مايتوب الكلب ويجوز
يجوز انساك بس بالموت ويجوز
تلمنه الآخره ونرجع سويه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ضايج حيل كلبي من يرفهه.(الرفاه)
اهواية جروح بيه من يرفهه.(يروفها.يخيطها)
بعد مندل وسطها من يرفهه.(جرفها.ضفتها)
ولاسباح بي تجلوبه الية

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

دمعــــة بعينــــي شلتــــــك والزمــــن عبــــرات
ويــــامــــا سنــــين مــــرّت مــــا بچيــــــــــــتك
ســــدّوا بــــابي مــــرّة ورادوا أنســـــــاك ..!!
نســــيت الصــــار كلــّــــــه ومــــا نسيتـــــــــك
وشــــــــّدوا بالحبـــــل رجليــــــــة الاثنـــــــــين
عفــــــــت رجليّــــــــة يمهــــــــم وإعتنيــــــــــتك
واجيــــــــت لبــــاب بيــــتك وآنــــي مشتــــاگ
أســــف كــــل الأســــــــف خــايـــن لگيـــــــتك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

انه أصحابي الاحبهم ميزتهم
وعن أخواني ابد ما ميزتهم
اليعاشرهم جذب ينسى ميزتهم
لان همه الهوا والروح اليه