أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

زهيري للمرحوم الشاعر الحسيني(عبد الحسين أبو شبع)
اٌمـــــال جانت تـــــراود فكري ماتنشاف
مِنهلْ رجاي وبكتْ دمـــــعاتي ماتنشاف
إتشافت جروح العدو وجروحي ماتنشاف
أوجدمي الذي جان يمشي ويه الركب جلمات
عنّه بعيـــــــد الــــضعن والمــــــالحكك جلمات
وأصحابــــــي ماحصّلــــتْ منهم سوى جلمات
أهلاً أتــــفضل أشلونـــــك وين ماتنشاف

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حيدر غني النفس وهذا الغنى جاه اله
والي نخـاه بعسر تلكاه علي جـاه اله
معروف امام الملا وجان البعض جاهله
بس العرف حيدره عنده البخت كوثره
وهنياله يوم الحشر يسكيه من كوثره
يبقى للشيع ضخر وام الحسن كوثره
بت طه خير البشر تبقى لعلي جاه اله

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

لاتعجل بالسفر كبل الوداع ولاتطول بالسفر واني أنتظر@
راح تلكة الروح الك فوك الطريق حتى من تسحك على جروحي وتمر@
آني بغيابك جسد يفقدلة روح وأنت مدري شبيك ناوي اعلة الهجر@
آنة بغيابك ورد شح عنة ماي والورد لو مات ماينطي عطر@
روحي من دونك صفر وأعلة الشمال يعني ما محسوب حتى أعلة الصفر@
وآني من دونك هواء في شباك يعني بالك تعتقد راح أستقر@
بليحبك ياترف مافكريت لو علي غضيت نظرك والفكر@
لو حلة بعينك بشر غيري وهويت ورايد تعودني بعدك عالصبر@
أنطيني من وقتك ثواني حتى أعيش آني موناطيك كل هذا العمر@
روحي دلة وكهوة البيهة الدمووع رادتك فنجان والكتك جمر@
يعني تلسعني وأكلك لا دفيت خاف اكولن تنحرج لو تعتذر@
روحي بغيابك ظلام في ظلام يعني يعني محتاج الوصالك يابدر@
كلي حتى أرتاح وأختار القرار شكد بعد وياي هجرك يستمر@
راح أظل أتنطرك حد ما أموووت بلكت أتعوضني حبك بلكبر@

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يساكن ارويحتي هاك استمع ما يلي
وحدك عشت بالكلب وغيرك ابد ما يلي
عطشان انا الشوفتك يلشوفتك مي الي
والشبع من شوفتك كل عمرة يبقة عدل
وياك ما خالفت صدكني ماشي عدل
لا يرضاها قاضي شرع ولا يرضاها قاضي عدل
للناس تحكم عدل وحكمك علي مايل

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يساكن ارويحتي هاك استمع ما يلي
وحدك عشت بالكلب وغيرك ابد ما يلي
عطشان انا الشوفتك يلشوفتك مي الي
والشبع من شوفتك كل عمرة يبقة عدل
وياك ما خالفت صدكني ماشي عدل
لا يرضاها قاضي شرع ولا يرضاها قاضي عدل
للناس تحكم عدل وحكمك علي مايل

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اغنم زمانك ترى يوم الحشر مَنْهُلك
ربك كريم وسخي كل العَجَب مَنْهَلَك
ياصاح حُكْم الشَّرع خيرُ وسَعَد مَنْهَلك
جنات ما تنوصف نفسك بعد راويها
بكتاب رب الخلق إهو الذي راويها
وابشر بآل النبي كاس النبي راويها
هيهات تعرف ظما حوض النبي مَنْهَلَك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

آنة ادري كلبي خشن والان كلبي .. نعم
خالي ووسيع الصبر ربي وهبني .. نعم
ومن احضة بمحبتك والله منك .. نعم
مادام وبدنيتي مرني ودادك .. وهل
والدمع من الفرح غركي اخدودي .. وهل
تسالني عن داخلي؟ كلبي يحبك .. وهل
بس انتة البداخلة كلبي يكلك .. نعم

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كالولي اشبيك ناحل .. مريض كلت لا لا
سايلوني اخاف مرك عسر .. رديت لا لا
كالولي انشوف الهم على وجهك لاله
رديت .. أنعم علي ربي ابهوى مزيون أنعم
أبيض من الكطن ومن الحرير أنعم
كالولي تهواها من اشوكت .. كلت من عام
كالولي تدري ابهواك ... كلت بعد ماتدري لا لا

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يم غيري تظحك اويمي الحزن لايكلك الله يامحله مشيتك اومحله الخلق لايك الك انه الروحي فدتك بلكي تلوك الك سبحان رب الخلق سبحان من داراك ياهو الي غيري تعب ياهو الي داراك سولفلي شنهو الي جره او عن حبي اشداراك غلطان كلمن كال علاوي مايلوك الك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

خشف النحرني بسهم من عينه ولاطيب
بدليلي المشتكي الهايم الطيب
لمن لحتني بسهم من نظرتك طيب
مافكرت انقتل ورمشك بقتلي سهم
وحكه الكمر اذا هو اخذ من نورك سهم
بالله اني مو مشكلة صدفة ولحتني بسهم
لكن اريد اسألك عن جاركم بعده طيب؟؟