أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كصت شعرها الخلك بس مو مثل كصتك
وماشفت بين البشر طولك ولا كصتك
جن انت ولا انس كلي شنو كصتك
عجبني طيفك معاي يبات عجبني
وكلمااروح بدرب الكاه عاجبني
تدري انت شنو الكتلني بيك وعاجبني
عاجبني كلك حلو من جدمك لكصتك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

الغيري يغالي صرت وانتة الجنتلي ورد
وضليت بس وحدي ابجي وانعي ورد
غصبن علي اجي العرسك واسلم ورد
واضحك ولو هل الكلب نابات بس لاكن
وبكلبي اكول بحزن ريت الجرة لاكان
ما هي قليلة علي يا منيتي لاكن
مجبوراهني واجي وانثر بعرسك ورد

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حسبوك صاحب علي وانته اطلعت شو كلك
واحسبت انته ورد لكن ورد شوك لك
ولذاك انته ملت كلي شنو اشوكلك
لان النصح مافاد وانته ابد منتصح
احسبني انه خطا وانت خطا منته صح
صحت بهذه الوكت وبهذه الوكت منتصح
هذه الكلب من يحب لابد يحن شوك الك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حسبوك صاحب علي وانته اطلعت شو كلك
واحسبت انته ورد لكن ورد شوك لك
ولذاك انته ملت كلي شنو اشوكلك
لان النصح مافاد وانته ابد منتصح
احسبني انه خطا وانت خطا منته صح
صحت بهذه الوكت وبهذه الوكت منتصح
هذه الكلب من يحب لابد يحن شوك الك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كل المصايب جرت تدري تره من هلك
شعلو شموع الفرح لهذ الكلب من هلك
والروح لمن هدت هذا الكلب منه لك
انته بهموم الوكت لازم تخف وتهد
بالك حبيبك ولك احذر تعوفه و تهد
لاتهدم اللي انبنه بيني وبينك تهد
بس انته باقي عسل صافي تره منهلك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يـمـة شـحـلاته التـرف طـوله البهـي من يـمر
شـايب واصـيـرن طفـل بس خـله ينهي و يـمر
اوصـلـه مو بــس زحــف لو دربـه نـار و يـمر
وأمشـيـله حـافـي الجـدم وأنـزل ابـوس ارضـه
خــلنـي اصــيـرن دمـع وبـعـيـنـه انـــه ارضـه
حـالي على بـعـده شـتظن حايـط سكن بـ ارضه
تـاكــل بـكـلـبي الصـبـر بـطـعـم الـعـسل اه يـمر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مصيبتي ياهـلي ما جـرت قـبلي لحـد
يعـلم ســبب عـلتي سبحانه واحد احد
بالقلب كالموس من فرقا حبيبي واحد
ايام راحـت وانا انطـر يا حبـيبي وعـد
راجع تصاريف قـلـبـك يا حبيبي وعد
يمـته تردون إلي يا مخلفـيـن الـوعـد
تواعـدنا يوم السبت واليوم يوم الاحد

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

هجرك علي يا ترف حنظل اقيسة ومر
ما تجرعة الروح كيف احكم عليهة ومر
لهفان اجي لرؤيتك واوصل لدارك ومر
واصيح يا منيتي صوت الصدى ينبيه
والمادرة بعلتي كال الرجل ينبيه
حدر الضلع ما علم شج السهم ينبيه
اطلع ثلث جبدتي وادعي بدليلي يمر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

درس العمالة ليغث اهلي ابد مدرسة
وابقى الغيور الذي لااجل البلد مدراسة
صرت بعشك هالوطن ياناسي مدرسة
مابيع ارضي ابد مهما الوكت ايجار
واركض وازيح الاذى لوما اذل اي جار
يلتفتخر بالعراق وساكن بايجار
اني افتخر بالعراق وساكن بمدرسة

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

توه امتحني الوكت يا من يحل مسأله
مدري انا باخر وكت لو عكلي جن مسأله
جنت انا فضه وذهب واحسن عقد مسأله
كالوله طاح ونسى الخوه ونساني وذهب
طحت وكمت ما طحت لاجن عكله ذهب
مو كل ذهب ينحسب يا من تصفي الذهب
وان ضاع مني الذهب غير الله ابد ما أسأله