أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

خايف من اوصفك تشتهيك الناس
وخايف من ارسمك عالورق مكدر

اذا منكر صفاتك ربك امسويك
مو ذنبي من اوصفك وارتكب منكر

اسمر ماتصير اتحده شمس الصيف
من وجهك اخاف اعله الشمس تسمر

وعلى المرمر انصحك لاتحط رجليك
تزلــــــك يازبــــــد ويوصخك المرمــــــر

يبو ارموش الكصب دورة عيونك هور
غررك بلام كلبي او بيهن اتحييـــــر

براري بوجنتك وشفاهي تعشك صيد
زلفـــــــك طيــــــر شايــه لو غزالة بـّــــر

مطعون بنظرتك كلبي شابع مــــوت
كاغد كلبي صار وحاجبك خنجـــــر ..ّ!!!!

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

دليلي من الونين أنگطع بتآه
عليك و ليلي بالحسرات بتآه
حالي عليك حال الچتل بتآه
بتهمة عار بس طلعت برية

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

انه بعيونك دخت رايد جواب .......... ......... هاي عينك صدك لو هيه رسم
انته حته الدوخه هم داخت عليك ....... ........وبيك من حلمت هم داخ الحلم
وانه خايف خاف قلمك هم يدوخ ....... ........ يعني تكتب غلط لو داخ القلم
اكو عدنه هواي سمران الوجوه ................. لجن بس انته سمارك بي طعم
انته نظراتك تشمّر بالسهام ......... ......... وآنه هنيالي لأن طكني سهم
والله لو أصبح رئيس الوزراء........ ........ أحط صورة وجهك بنص العلم
اليكلك مو حلو رب الغباء ......... ......... واليكلك بيك عيب اكبر غبي
انته ربك نصبك رب الجمال........ ......... أذن انه اتنصب بحبك نبي
انته سابيني ولذلك راح اجيك ......... ....... بس احلفنك تكثر بالسبي
انته شكلك اجنبي ومو شغل بيت...... ......... وراح احبر رأيي لك بالأجنبي
يو فري بيوتفل اند كلش رقيق......... ........وانه من شفتك صرت كلش هبي
آنه من شغتك صرت كلش رقيق ..... ....... ومن شفت غيرك صرت رب الحزن
وأبد ماكلك رزن أظلمك حيل ....... .......... لأن كبلك كالو لغيرك رزن
النعرفه من العسل يسحن الروح....... ......... والعسل لو ضاك شفتك ينسحن
آنه وي غيرك اموتن لا محال ........ ......... ومن أشوفك صدّك انه ارجع عدل
وآنه وي غيرك أعيشن ما أريد ........ ........ وآنه أريدك لأن بس بيك انكتل
قبل صح بخير ونعيش بأمان ........ .......... ولأن ماعرفك كمت اكره قبل
عقلي انته ومال اعوفك مستحيل ..... ....... وانته هم شايف بشر عاف العقل

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

دامك نويت البعد يا خل مسموح
هذا اختيارك وانت حر بدنياك
ما ينجبر قلب ولا تنجبر روح
حكم القدر مكتوب والرب يرعاك
من قال لي علام قلبك ليه مجروح
بصبر وكم صحت بصبري ما بنساك
موتي قرب وانتحاري يارب ملموح
قبري ودوم باب القبر يعلاك
برحل وذا انا اقولك كم بتنوح
يفداك عمرن مضى وقلبي يفداك
مفتوح باب الدعاوي لك مفتوح
هذا خوي بكول يوصل خبر يهداك
ريحت عذاب بالعشق ياخل متفوح
تالي رحيل صويحب كان يغلاك
تقسى تحسب بكيفك انك بتروح
تالي شراع الصدق يارب مقساك
تلعب تحسبني وتحسب اني لحوح
وينك سمعتها ولا تجفى لجفاك
لا ثما لا نويت فجأه ترحل مسموح
لحظه إلا بقول إلا انت حر بدنياك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مامجبور احبك وانت عني بعيد ... ولا مجبور اذكرك وانت ناسيني

طحت من عينك أنه وبيه ماهميت ... باجر هم يجي وتطيح من عيني

دورت السوالف وانه بيها عيون ... ولكيتك جرح كل ساع تغميني

اغسل جرح كلبي وماهمن بيك ... منو كلك اموتن وانت تحييني

ماذلني العطش واتوسليتك ماي ... ولا دنكت راسي وكتلك رويني

روح وداعت الله ومااكلك بشيء ... ولا اكلك جمر فركاك يجويني

كرهت اليل كله ومالي حجه وياه ...جي طيفك يجي ورايد يحاجيني

يااول نبض وبليه عرقه راي ... ضيعت العقل شتسميني سميني

مجنون على ايامك واطلب حساب ... لو تنطيني روحك لو تصحيني

جم مره انبعث والدنيا بيه تقوم ... ردتك ولو مره بغيره تشريني
رضيت بكلشي منك وانته ادرى بهاي ... وجنت انه انتظر يمته انت ترضيني

جنت اني اشتعل كلما يجيلك الليل ... مثل خيط الشمع والنار تكظيني

ماشفت بعشرتك بس الم ودموع ... ياعيد الاجاني ومر على سنيني

انطيتك عمري كله ومااظن ظل شيء ... واجه دورك جروح وحسره تنطيني

ياجرف النشف ياساكيه بلا ماي ... اذا يبست عروكي شراح تنطيني

لويت ذراع دهري ومالواني بيوم... وهسه تريد بذراعك تلويني

غشيم الكال اذكرك وانته ماخليت ... لا فرحه لا ظحكه التسليني

صدر في المناجل والسجاجين ... تذبح وتر وبيك تواسيني

هيه بليه صرخه الروح تذبح روح ... سجينك احد لو هيه سجيني

صدكَني متت بس يمكن ارتاحيت ... خليك بمكانك وانا خليني

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

دمعــة بعينــي شلتــك والــزمن عبــرات
يامــا سنيــن مــرت مابجيتــك
ســدو بابــي مــره ورادو انســاك
نسيــت الصـــار كـــوله ومانسيتــك
شــدو بالحبــل رجليـــه الاثنيــن
... عفــت رجليــة يمهم واعتنيتـــك
اجيــت البــاب بيتــك واني مشتــاك
أســف كــل الاســف خايــن لكيتــك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

احن لمسامرك والگاك شلگاك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يسآلني ملك الموت روحك شجاها
گتله حبيب الروح قبلك خذاها

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وياطبعكم''
لو لكيتو وجوه غربة
بساع تنسون اليحبكم

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اليدگ شباچ بيت وعنده باب
شما علت حيطان بيته يبقى بيته بلايا باب..