أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يصبرني المايدري بقصتي ويگلتي تهون
عشره وشيبت باولها وتاليها شلون
ينسيني من هو ينسيني
انطيه الباقي من اسنيني
وانا الممنون
يصبرني وماتسوى يگلي هوا شمدري
لو نار الشبت بضلوعي تتحول بيه
يمكن يتركني بأحزاني
وما يسأل شمغير الواني
كل ساعه بلون
يداويني المايعرف علتي شيفيد دواه
راحوا لبعيد وما رجعوا خلوني اهناه
هنيالك يالگلبك خالي
ما تدري شصاير بحوالي
هم اليدرون
يصبرني المايدري بعلتي
ويگلي تهون


الگاطع

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏ردت اكلك

شوفني متيه وعلى المامش اطيح !!
وشنهي ذنبي ....؟
الليل يصلبني على بيبانك مسيح

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

خدك لو يصح فنجان
عشر سنين ما هزه ...

هيه العافيه بلونك
موش بـ شمة الخبزه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏يا طريق يگودني!!
ويلمح ضواكم ...
غافية عيني وعثرت بشارع
هواكم..

م

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

انتي مــو أم لابشر انتي ملاك
انتي من الله الچ هيبه وقدر
أنتي الله أمفضل أعليچ بنعيم
يعني قدرچ عالي وأعلى من الگمر
تحت اقدامچ الجنه يگــــــول
جنه وشلون أرد أوصفهه بسطر
يانهر يابير زمـــــــــزم والحياة
أنته أعجب من عصا ألشطرت بحر
ألله حط كل الصفات بقالبچ
وگدر يجمع ماي وي كومت جمر
أليغص بالزاد يتعنى للمــــاي
من أغص انه تصيريلي نهر
عشتي يمه العمر كله انتي حصار
وشافچ بعينه تخبزين العصر
يعني ماهمچ حصار ولاحروب
وللوكت مامره تحنين الضهر
وألگمر صح بالسمه وماله مثيل
ويمه علگاع انتي احلى أمن الگمر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

غريب غريب آني
وغريبه طيور عمري إباب بستاني
طفل وإتذكرت لعبي ويّ صحباني
احن لسطوح جيراني
احن يسطوح جيراني
أطيح من السطح ماموت
لأن كاع التلكاني
غريب أني
الشوارع كلها مو مني
ولاتصوير يشبهني
وحتى هناك المرايات
بيها أني وجه ثاني
غريب آني
وبعيد بعيد مشواري
ويويلي نكطعت أخباري
وين الكه نهر جاري
يغسل ثوبي وأحزاني
غريب أني
وغريبه طيور عمري
إباب بستاني

#الكاطع
.

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بَلجـي أصـادف صـورتـّه
شي باقي مَنه
أثـر جـَدم آعلـه الرمـل وأَشكيلـه
وأَنـزع عـيونـي بـ راحتـه
وهـي العيـون إمعلـمه شتبچيّلـه

.
.

#الگآطع

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏شابگت فكري وخيالك بالليالي
وفززت تذكار غافي
وثلجت عيني بشتاك وما اجيت بطيف دافي
واني ثلث اسنين اتاني
اهجس ابروحي الصبر ياكل واگله اشبع عوافي
.
.
.الگاطع

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

چنه نحلم...
چنه واحنه ازغار
كل عصريه نلتم
نلبس اجناح الكواغد
نركض اويه الغيم حافين
وعلينه الليل يلتم
چنه نحلم ...
نرسم ابدشداشنه ورود
وتكبر ويه الليل
ونمرهه الصبح
تلكاها بالفراشه تحلم
چنه من ننجرح نضحك
أه .... لو تدري اشكثر غالي ابكبرنا ايصير الدم
چنه نحلم
نبني بيت ابماي
يزعل كل كلبنه اعله الجرف
لو تلكه بيت الماي بالماي يتهدم
چنه نلعب بالرصاص
ونشرب البارود
ماندري عله اهلنا بوحشه الميتين يلتم
چنه شبعانين
ما ندري الخبز ياهو اليجيبه
صافي مثل الماي املنا
وبطرك لعب الشوارع
لا جكاير
لا سياسه ... لا حبيبه
وطرك حلم الشوارع
وطرك لعب الحـدايق
يوم صاحبنه الفخاتي
وصارت الشجره حبيبه
.
.
.الگاطع

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

هم اجيتك وانشدة گلبي المحبتك
نايم بصفي الصبر عود ونسيتك
وهم لگيتك صبخة ..
وانه امطر دمع سنتين
جا هلبت رويتك
اه يا گاع الملح
يالما صفت وي وردي نيتك... الخالد كاظم اسماعيل الگاطع