أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كلما تمر ذكراك أرجع البيتك .
الوطن لاتنسوه جانت وصيتك .
الوطن ماننساه ولاننسه أسمنه .
لابد يجينه يوم نحقق حلمنه .
الوطن لاتنسوه يلغبتوا عنه .
بعده حزنه امجيم بديار أهلنه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اصبر وشد الجروح وأنزف فلا اطيح .
حتى الوطن ليضيع وي عاصف الريح .

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

من أمي ما حسيت طعم الملاكه .
كالتلي الأمريكان صارولي ساده .
كلتلهه يمه أتهون مده أويولون .
كالتلي والعباس ماظنتي يمشون .

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

إنحب ياوطن واگضيها آهات
وبعد لاتنخه ولدك مالك احد
صحيح اسلام ونحب الصلاوات
بس للأسف مانعرف محمد

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كلمن مدلي چفه وكضلي اقليم
وعلى لوح الوطن مارسموا الساس
وهلگد ماتجر اچفوفهم بيه
شگوا خارطتنه وطاحت الناس

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

(( تدري بوطنه شلون مرتفعه الاسعار؟ *** بس البشر بالكاع حاجه بربع صار ))

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

دار الفلك .. دار الزمن
ورغم المصايب .. والمحن
رغم التضارب .. والمصالح .. و الفتن
رغم القنابل ... والمذابح بالصحن
طبيت أزورك .. يا وطن
طبيت ازورك .. وشتكي .. يا بو الفضل .. يا بو الحسن
ذبحوا صلاتي .. وأمي.. ومحبوبي
ورادوني .. اذبحك يا وطن ..
ورادوني .. ابيعك يا وطن ..
ورادوني .. أسمك يا وطن ..
دسولي سمك .. بالهوى .. وبزادي .. ومشروبي
وشلون أسمك يا وطن ..
سم الحسن .. موشيمتي .. ولا ثوبي .. !

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

صبرآ يا وطـن بس صبرك ليا وين .؟
كافي تگول باچـر محد بحالـــك..

گوم انتَ عله حيلك وأذبـح الجـلاد
عشرينــك بعدهه تحشم بفالك ..

مثل ميمون اشوفك مارضه عله الصار
أركـض وأنتــفض بـــس وينــه خيآلــك ..!

شلون لهسه ساكت وأنتَ أبن شعـلان
وكــل عشرة بگبر متوسدة اطــفالك ..؟

شلـون انطاك گلّبك نبقـى مذبوحين
مضيفك سده كافــي وكَسر دلالك ..

صفت لأهل الكراسي وكلهه تآكل بيك
وانتَ( أيـوب )بعــدك ساكت شمالـك ..؟

ناس تبيع بيـك ونآس بيك تبيـع
وجوعان الشــعب وميتمّـة عيالـك ..

اهلك بايعينك لليــصّح شـرآي
والف شرآي واگــف يآكل بجالك ..


حزنانـه الشـوآرع والطريق طويـل
ومتيّه وطنــه ويـــــاهو ليطلعـه ...؟

خمستالاف حاكم وآنه دمي يسيـل
وبكــل بيت ميت .. كل فرع قطعـه ..

أبنك. يكتل ابنك أدري ترهم ويـن .؟
غدر وبظهـر اخوكـ الخنجر تزرعـه ...

بعده الوضع نفسه وباقي نفس الحال
نفسه الرآح اجانـه وضربه في تسعـه ...!!!

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

القصيده بعنوان

هكذا العراق

امس واحد سألني كلي تبجي اشبيك

وعلى اشفافك ضحكتك ليش مصلوبه

ابجي اعلى العراق الصار مثل حسين

فو الذبح كتله هدومه مســــلوبـــــــه

وشلون اتريد ربك يلتفت للنــــــــــاس

ويعين العراق ويغفر اذنـــــــــــــوبه

نمله اتشيل نمله وتحزن من اتموت

وسراب النمل نلكاها مكلوبـــــــه

واحنه ابن البلد لومات بالتفجير

كبل متشيله اخوته اتفرهد اجيوبه

مثلنه احنه امس صارت افغانستان

وندريه اخس من عدنه منكوبه

لا باكت مخازن لاحواسم صار

ولا كيعان صارت عده منهوبه

من يامله احنه الخاطر العباس

وهم مثل الخلك وادمنه محسوبه

لو حته بمحرم والتفرهد صار

جاحتى الحسين انفرهد احبوبه

رد كال اشوكت هذا البلد يرتاح

من اقصى الشمال لاخر اجنوبه

مايرتاح كتله ولاتضن يرتاح

ولتصدك كلتله بهاي الاكذوبه

وذا واحد ايطفي وميه اليحركون

اذن حكه البلد بيه يلعب طوبه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

قيمة البشر مو فلوس وسيارة ........... وعمارة
البشر للموت يمشي شما طالت ........... عمارة
مدرسة غيرة وزلــــــــم ارض ............ العمارة
للحگ فزعو فرد فزعة وكلهم ناصرينة

عونك ياعراق الخير والطيب
وبترابك نداوي العلل واطيب
وتجيك الناس مدري منين واطيب
وجابولك الفتنه الطائفيه