أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تره المشتاك يتبدى ويلمه الليل

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ما ردت احبك...حاولت ...
من لفظة اسمك حاذرت...
كلمة وشلتهه امن الحجي ...ومن اللسان اخفيتهه...
وبيبان روحي امقفّله...وعن لا أحب سدّيتهه...
صلفه امنياتي الرادتك..
سألتني عنك بس صمت كلش ولا حاجيتهه...
كالتلي: وينه ...وجاوبت...ما أدري ما دلّيتهه...
ما ردت احس حبك لأن ...كبلك الروح انطيتهه...
والخاطرك رحت اعتذر ...منّيت بيهه الخاطرك...
مثل الطفل لمّن يمّن ابحاجته....
وياك اعز ناسي انتهوا...ما كمت احسّ ابعازته...
ابدربي كلت لو مو سوه...أمشي حياتي ابلا درب..
يمكن يشّح عني الهوه...
( لا بس جذب)....
معقوله ما نمشي سوه...؟؟؟!!!
معقوله في لحظه الشمس للكاع ماتنطي ضوه...؟؟؟
وتنتهي وما نلكه صبح...!!!!
معقوله يطلعلي جرح؟؟؟...
معقوله ريشة شفتك...ترسملي بالضحكه رمح..؟؟؟!!!
( لا مو صدك)....
خلينه من هذا الحجي ...بجفوني سولة اعله البجي...
وصياد كاعد بالجفن للدمع شايل فالته...
وياي احسّك جن صرت ...مثل الهلال وهالته...
كالولك: ايعوفك تره ....تذكر كبل ...؟؟؟
كتلي شكلهم؟؟؟... كتلك : أي ...كلهم لمن من يمّي تمشي اجنازته....
هو آنه عايشلك لأن ....دمّي الأعزّ ما بالجسد بس انت تعرف حالته...
من ما يحس ابلمستك ...يخلص وتبقه اوشالته....
تذكر جنت...من تعتنيلي ابلهفتك مشتاك حتى اتشوفني...؟؟؟
وتلكاني روحي امشككه ...ولمسات ادّيك اتروفني...؟؟؟؟
تتركني هسه قررت..؟؟؟ ينطيك كلبك ننتهي وبس بالاحلام اتشوفني...؟؟؟
تتركني هيج ابلا ذنب...؟؟؟
برّرلي حتى لو جذب...
ملّيت..؟؟؟!!! ...كلي كمت املّ....
شيحمله ليلي ابوحدتي...؟؟؟ ما ينحمل بعدك تره ...
وجذّبت كتلك ينحمل.....
كتلك : لمن تمشي تره ...تتركني وحدي جن طفل...
تايه وكل اهله مشوا ...
عايش يتاني الما أجوا ...
كلشي اليمرّ ايفززه ...
حتى الشماته اتفزّزه...
من تمشي وايهب الهوه...
يلتفت حسباله حجوا...
لكن لمن يتذكرك...
حتى الشماته المابجوا ...من شافوا ادموعه بجوا...
هيج آنه من عنّي رحت ...
ما تسكت ادموعي ولو...دوّرتك آنه ابغربتي...
شفتك وطن ...حنّيت الك...
لكن لكيتك غربتي....
احتاريت منهن ياهي اصحّ ما بين ذلّي وعزّتي...
اختاريت اعوفك حتى لا ...تكسر قرارك دمعتي...
او ونّيت سكته وما ردت...يتشمتون ابونّتي....
صح اضحك ابنبرة فرح...بس ركّز ابصوتي بعد ....
تسمع نحيب ابضحكتي ...!!!
هم مثلي كلبك ما نسه...؟؟؟؟
وهم بعد من تمشي درب...تذكرني خطواتك بعد؟؟؟...
تترك فراغ الخطوتي..؟؟؟!!!
لا تسكت ...( أللا) بيّنت ...
بيّن أثرهه ابعبرتي...
ولا تلتفتلي بس ردت ...
أنطيك آخر ما بقه ...
وهو اشبقه..؟؟؟
مني خذت كلشي وبقت ...
دمعات ليك ابذمّتي....
ايهاااااااب المالكي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ردت اگلك لا شعرهم جاس گلبي.
ولا اغانيهم خذتني ،
انته بس انته الـ خذتني ..

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ردلي المتانيك بيهنً من تجينيظ“ ،
انته يا اول ضوهً تايه لگيته اباب عينيظ“

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اريدن بير يسمعني
غميجه السالفه البيه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

طفه وجهي بخيالكـ لو بعد موجود

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

المفارگ ، النسمه العابره تغرگه ..

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

الفركه انواع هاي الفركه من يانوع
شيجيبك دمعتي لو كلمة الاسف
.
.
لـ رائد ابو فتيان |

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تجي لو امشي #للعباس

اگله يگول ما #عوفك

حلف بيك وگطع #بيه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

السوالف كلها تگضي

وتبقى سالفتي طويله

وهمي ما سولفته لـ احد

خاف يحسبني اشتكيله