رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾
شحسبالكم ؟
فترة ونسينه العشرة ياهو الگالكم؟؟
يوميه اشر اخدودي من تطلع شمس!!
واستقبل الليل بنياحه انعالكم!!
واصفن واحطكم مملحه برف الجرح!!
وابالي يوميه صوركم تنمسح
من التراب امسحها خلو ابالكم!!؟
مشتاگ اللمكم..
واحجي من ذاك الحجي اليحلالكم
ومشتاك اسولف جذب واجبر حالكم
ومشتاك اضوجكم شقه
لا والله حتلو بالصدك !!
المهم وجهي اگبالكم
رحتوا ندى وي غبشة الشمات ليش؟ شمالكم؟
چا ورد روحي الذابل شسوالكم؟
چا بالجذب عفتولي بس اخيالكم
واركض مثل دگة نبض دلالكم!
وركضة ملاكه بخطوتي اختنكت ترى
وگطعان واهس بيه جني بمگبرة!
ودموعي من هسه بدت تلزم عالملاگه سره!!
وانفاسي متحلفه عله شمه مخدرة
او واعدت هيلي عله طاري دلالكم
وشحوالكم؟؟
فر مني امس زاجل ضوه شودالكم؟؟؟
وفر مني امس
داخل حسن
اهنا يمن چنا وجنت غنالكم!!
بس لا صدك ظلمت مثلي احوالكم!
تحجوني ؟؟لو ما انذكر
خايف غريب يدگله ثايه ابالكم؟؟
بديت من ماييي علمود اصفالكم!
شحسبالكم؟
نجماتي مستحيات وين هلالكم؟
استبرد عنب روحي يريد اسلالكم؟
محتام اطش روحي ملح بجروحكم
ومحتام اشاقيكم وطلع روحكم
ومحتام اسيير طيره فوك اسطوحكم!!
ومشتاك امرجح راحتي على احبالكم
من جنتوا جانت بس نوارس ضحكتي!
من جنتوا محد شاف سجة دمعتي
هسه اختنك واسطر النسمه بحسرتي !!
ودولي من عدكم نفس؟؟؟؟؟؟
ديرة اشباح برييتي
اوودولي اي شي لو ظرف مرسالكم؟؟
راح من الفراك انتهي
شحسبالكم؟؟؟؟
