أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

دنگت شميت سرچ بيچ زغرانه الاغاني
وبيه كبرانه الموده
جوه الگلادة بشبر مشتاگ اغمض
وبين اصابيعي النبگ مشتاگ امرده
من وكت بستانچ المشمش تبده

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

أصابيعك
مفاتيح الضوه اليندل حزن روحي ..
كل اصبع يفك شباچ للگمره ..
يذاك
إهناك
يمدلّل ..
تعال بكل بنفسج گلبك الزعلان
تعال بكل ترافة روحك الخضره
تعال لبوستي حضره ..

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مرة بواجي العمر
مرة ابتسامة وغنه
بس آنه دارن سوه
وجهك وراس السنة…

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اه ياحبك وصل ما ادري وين..
الصفنه تشمرني بحض غيبوبه.
ربي عثرني بعشك مابي وداع.
ارد اعوض راحتي المسلوبه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حبني وشيل كل غربة على عيوني

حبني وخلهن يرجعن ..
حيــلي ..
وضحكتي ..
ولـوني ..

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تــرێ لچـــمـه اعــله لچـــمــه الليـــل صايــر
مثــل لچــم المشــاطــه اعلــه الضـــفاير
ومثـــل ما تلــزم اصفــاحــك يمتــعوب
هيــﭻ الـــزم اخــلافـك بــ الجـــگاير

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

(يجــي يــوم)
انشـــيل مــن عيــسى الصـــليب
ونشــلع المــسمار ونحــط بيــده ورده

(يجـــي يــوم)
لڪل جـــدر لحــسين نبــني بحــبه حضـــره

(يجـــي يـــوم)
والفقـــير يصـــير تاجـــر
والرصـــيف يعـــزل مــن اهــل الجــگاير

هــذا حلمــي الــ جــاي انطـــره

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

شنو ابن آدم ؟
شني تنضاك !!
شو حيرة

شنو (بعينك ) اتيه الناس
هيه عيون لو ديرة؟ ...

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تركيليَ نهاية أندلها من ترحين
لتخليني أرد لربي ناكَـص طين

أنا بملكَـاج أبوگ العافية من الناس
وأردها ألهم ضعف بأول جدم تمشينَ

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وهذني جفوفي مو سعفات
خاطر ترگص أمنل خوف
آنه أوياك (حُـب خرسـّـان)
نتلاگه أعله گــَد الشـوف