أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

العبارة الخالدة للشاعر عبدالأمير العضاض

- احنه ندري من أمس مگتول باجر !!


- 1971

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

نَص سوداوي ومُرعب فنتازيا شعرية


ليل ويا حلاة الليل من جان الگمر شفاف
هسّه الليل ابداً مو ليل وليل اعمى
وسما سرداب ..

وإللي يطيح ماينشاف
انجوم انشوف بيهه اوجوهنا وننام
صار إسنين ما تنشاف

مخالب ريح سوده أتمرعد البيبان
تلگط كل حلو وشفّاف
ريح إبلا عگل سولتّها بالبيبان
والوادم ورك صفصاف

اجروح أعزاز مشروره إعلى الصفنات
أشكّثر بيهه ونين إيبات ؟
أشكّثر بيهه نزيز إيبات ؟
ومابيهه غير الدمع لفّاف



- المسياني عبدالكريم القصّاب

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تستاهل و اتمنالك آنه الخير
صح .. فرصة مثلها من الصعب تلكه

خلي اذنك على كلبي سمعت الصوت ..؟!
تسمع فرح كلبي ؟ تسمع الصفكة ؟!

و بقه عندي فرح زايد حرام يضيع
مر اخذه بطريقك ساعة الفركة

انا هسه فرح بالروح ما محتاج
ما يحتاج فرحة الينوخذ حكه

#إيـــــهاب

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

انتهينــه..
وكشخت الكمره بدمعتي
كلتي اجيك
ولملمت كل النهار
وادري جنج ما كدرتي
قدرت ضرفج واعرفه
ساعتج ورديـــه يمه
وساعة السوده بغرفتي
لمي طيفج لا يلم وادم عليه ..
مطشره بوجهي فشلتي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كالولي اخذ طوق النجاة وياك
موج الشوك عالي.. اليتعب يغرگه

و ابد ما فكرت يمته اوصل على الراكـ
بس شكد حلمت بروجة الملگه

إيــــــهاب

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

منو الياخذ حلم ؟ من يطي زايد بيه ؟!
حلم كلش جديد و ما استخدمته

أبيعه لغير واحد مثل ما سويت
وياي و حنينك للغرب بعته

مثل سچينتك راح انسحب بهداي
حتى اترك حياتك و اطلع بسكتة

بلا ما تشعر و يكسر قراري الشوگ
و اتراجع و اگول تسرعت خذته

ردت ينباگ جرحي و رصعت بيه ماس
ردت اغوي الحرامي و من رفض لمته

أنا الطير النزل للطعم من حطيت
روحك للضحية و من نزل صدته

ترك لاجلك سما و راويته المجازاة
من گصيت جنحه و للقفص جبته

عفتني وي الجگارة اثنينه مورثين
محد طفه الآخر و انطفيت انته

#إيــــــــهاب

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

باهته وجوه العرف والملكه بارد
واحنه واحد مادراش بضيم واحد

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حزني يشبه شيلة امي
مسرد ومگلوب لونه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

والبقن عندي ابتسامه
مكلله بحزني وضياعي ،
وشوگ باهت ، والشفايف
صفره مِن كثر التعب

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

و الفرح طر المدينه
وانطه للناس التريده
دگدگ البيبان كلهه
ومن وصلنه انشلت ايده
آخ يا حزنك يگلبي
جمره مضمومة بجريده