أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

نفنوفك البارد زغر
شايل نثايه من الگمر .. !
الفضه شربت رگبتك
والمستحه اشراع النهر

ظلمه الثياب الضمتك
من زيجك اتبده الظهر
شمس الصبح من دنكت
حومر خجل زيج الشگر

كاظم الركابي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

الماينام الليل صاحي ومو عليل
‏دور بأحساسه تلكه المشكله
‏لو مفاركله وطن لو غثه ناي
‏لو شريك انفاسه مامقسوم اله
تحياتي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

المني بيه يگول ...... گطعي وجزه الحد
واني عله جاري الشال لابس سنه اسود

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

چا ليش اليقدر الناس ما يلگه اليقدرونه ؟
يا رخص البخور يموت
يم خشوم مدفونه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

گلت ربعي وبيهم اتحزم واگوم
تالي أول ما طحت دفنوني .. !
ناس رباهم نبي وغدروا عزيز ..!
بعد ما اعتب على الغدروني



حيدر الشكري

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏تصاحب
الشيب ويه شعري
والمرايا
استغربتني !

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مثل شيب
النوارس
حزني ماينشاف

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كافي أظل مناطرك
والدنيا ليّل
تدري بـ المشتاگ مايهوه السهر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

لا تنغش
واذا گلولك شلونك
هاي الكلمة بس من الغربة تنگال
ما يحچيها واحد مفتهم لونك

#ايي والله

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

شايف من تحس غيرك سكن گلبه ؟
تغار .. تموت .. تبچي .. المسألة صعبة !