أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ايام البعد جبناها صفنات
بين امالنة وحيرة امرنة

تجي لو ما تجي كضينة الايام
وصرنة وياهو يدري شلون صرنة

صبرنة متاع صار وبعدك بعيد
وتجوع ايامنة وتاكل صبرنة

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مهلة انطيني واصبرلي لعلماك
اخاف تكول مايدري لعلماك
اني الساري الواكف لعلماك
امنطيح اطيح خركة اعلة الوطية

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اجلي بحديد الزمن مبرد وانة منجلي
بس جية الموت مامنها ابد منجلي
يكولون ليل الحزن لابد وان منجلي
وتطلع علينة شمس لمن وكتها يحن
وجف الهجر حنتة للحنة يرجع يحن
يفلان تدري شوكت كلبك علية يحن
لمن على السنبلة يعطف كلب منجلي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

راح وكسر خاطري ولملم طيوفة وشال
ونهر المودة نشف ضلت اجروفة وشال
والدهر ماعافني رد عالجفوف وشال
وماعفت انة عشرتك كلبي اعلة حبك ضل
للهجر شو تعتني وعلاوصل كلبك ضل
بجتافي اغطي الشمس بالصيف الملك ضل
ولو مر عليك الشتى لفني اعلة صدرك شال

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

الدنيا اشما احبنها وبرها
تزرفني بمخايطها وبرها
جاعت ناكتي وكلت وبرها
الدرب طول واخاف ترد علية

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عليمن تحسب اغلاطة تعدلة
الميت بالبجي شتظن تعدلة
العوج عودة صعب ضلة تعدلة
يضل اعوج لمة اتلفة المنية

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كلي الربع بينو كتلة الربع ضلو
كلي اشعجب مااجو كتلة اعتقد ضلو
كلي تعرف السبب كتلة السبب ضلو
درب العلينة صعب لو عاذلن مرهم
كلي طبعهم شنو كتلة الحلو مرهم
كلي اذا مااجو كتلة ان عدل مرهم
كلي اشو غيمت كتلة الربع ضلو

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

شيب الذي ابهامتي هموم الوكت دجتة
وسوالف بالكلب خنجر غدر دجتة
ومن الشماتة ملح جابت الة ودجتة
بسجين عمية وتكص كلبي وضكت كصتك
وتك ايد كص الدهر وسيف الغدر كصتك
شو بس علي من اجي تلطم لطم كصتك
مثل المغيسل صفت كصتك مثل دجتة

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يفلان هم العلي كاع ويطكها كرك
ولاتنتخي بكل بشر لو راد دهرك كرك
اشما تتعب وية الردي رايح يصاحب كرك
وثق لوطحت بالعسر بيك النذالة شفت
وجروحي صبخة وتنز لالاتضنها شفت
يل منكسر خاطرك هم مثل هاي شفت
ديج ويعوعي الوكت عالبيض خلا كرك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مو عشرة تراها وياك طلعت
من كثر الجروح الورح طلعت
شفت مرة الشمس بالليل طلعت
اكول للناس ميصدكون بية