أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

الوجع نفسه
من البارحة لهسه
تعودته وصرت مرات ما احسه

وبس ذاك الهوا الحاوط هدايانا
گدرت البارحة اتنفسه

شگالت عينك لعيني وبچت هلگد
ذكرني تره اني انسه


باهر الجنديل

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ياهو اليشيل الحزن عني
وجوه النسوني يوجعني
مره ابچي وحدي و مره اغني
و ما صحلي واحد يفتهمني



- حسين الحبتري

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ادورك وين..؟
وانـت الــ مثــلك يضمــونه ع المثلــي
حــرز بــ جــيوب گلگامش

ادورك وين.... ؟
واحـــنـﯽ ثنيــنه متـيهيـن
مامـش يفــگد بــ مامـش

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

هلــبــت
مــن تمرّك آه تتشاهد حسرتي
ياربيع الريــف

هلــبــت
مــن يمرّك ظيم تتناگث فرحتي

آخ والهلبت سفينه وشطّك المحبس والمعاتب شذرتي!

هــا يـ عيني مايج الفاهي قرارج
ودومج ادورين رايج ولاذبلــتي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اي يآ زهرتي بـ حبنه هذا اول عيد
خليني يمچ و ايد تتغطه بـ ايد
گبلچ چنت يوميه اضَيع سآعآت
بس هسه احس اللحظه ويآچ اتفيد
كل عام و انتِ ام الخدود الحلوآت
و الشوگ يمچ حتى لو قَل يزيد
مآريد غير الزفة بـ العيد الجآي
والعآشگچ من گلبه يعرف شيريد

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

صاغتلي وي خيط الشَمس

مرجوحه بـ سوالفها

وغنتلي عيديتي وضگت عيد الله بـ شفايفها

وضحكتلي والگذله إنچفت
والرگبه شبت وإنطفت

بست الهلال وسامرت أشياء ماشايفها

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ترهّى .. ولايظل ابالك الصار
ماتجمد الرتبه بمتنك الحار
يالمحرر مدن.. جانت قطب موت
ثلج شدتها ذاب بجفك النار
لاتهتم مثلهن ثارن هواي
هذني الماعليهن وجهك اندار
راويهم بدلتك خليذكرون
جنت وين بوقتها من الفشك ثار؟
وشممهم عطرها المازجت بي
طين الموصل ويتراب الانبار

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ياهو اليشيل الحزن عني
وجوه النسوني يوجعني
مره ابچي وحدي و مره اغني
و ما صحلي واحد يفتهمني

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

چنـك تعاين وحشتـي وطـيف اجـيت
شـگـد وفي وممـنون منـك عالحـلم..!

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

امي ..
من نحچي بطواري الموت ..
تنگط ماي واسم الله ..
يهنيالة اليناسبها ..
شكثر تعبان بيها الله ..!