أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

_چنت أظن ،
من أوديلك عصافيري الصغيرة
چتافك يصيحن هلا ومية غصن

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وشَنهي عود
الدنيا مابيها مچانَك
وشَنهي عود
الناس من اطلع گبلها
تگلي هنيالَك يـ گمره
انتَ سامع بـ النفس چتاله حَسره

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

باگتـني الجروف و سافرت بيه
و ودتني علىٰ نهر النـاس
ونهر الناس مو ليه
نهرك يعـرف شبية


لـ صفاء الجبوري

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يامه هبّت ريح وإهتز الشِجَر
والطار ما حط
هيّه ركضه أعله الرمل
والما يدفعه الشوگ يفحط

||عبد الكريم القصاب||

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ودي ابوگن جسمي وابعد
ودي افك باب السنين السودة واشرد
ودي لكن
شدوا برجلي جرس يشهد عليه
وبس اشيلن خطوتي الحراس تگعد


لـ الگاطع

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اول مره اجيب عيوني للضيم
اول مره اكسـر واهـس الغيـم

اول مره اجـر
بروحي لهناك

مـوانا ألي أگدر أگله
"فلان يـسواك"

اول مره اوصِّـل وجهي للگاع
و انت منين ما تندار .. تنباع

اول مره ابچي و اعبر الـ "عيب"
اول مره يوصل دمعي للشيب

اول مره روحي
تغثها الـ "شبيچ

اول مره ابـوس
ايـد الشبابيچ

اول مـره اثگـل
عالعـواذل

ثگل كلمة
اكرهك بالرسايل

اول مره اگود
الطيف للراس

اول مره اكسر
خاطر الناس

اول مره گلبي يكضني بـيده
اول مره احرمـص بالقصيدة

اول مره احط
گلبي اعله متني

اول مره احـس
مـحد يحبني

اول مره ارضى عيوني يبچن

اول مره اتيّه
گلبي عد مَن

اول مره انـدم
لمـن اشـتاگ

اول مره احس بروحي مغلوبه

اول مره ياكـل
گلبـي الِـعـناد

واشبع من تطيح دموعي عالزاد
اول مـره جرحي تظمّه الهدوم

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وينك انت
‏عيوني مابيهن بعد ينتظرن اكثر
‏حتى هاي الگمرة بعدك
‏مو نفسها ليله ليله گبالي تزغر

‏ردلي يا واهس سنيني
‏الخلصتهن ريت اشوفه

‏ردلي يا اول بنادم
‏مشتهي شلون المراقد كون اطوفه

‏ضمضميتك بالصراير حاجه زينه وما لگيتك
‏ليش ؟
‏مو چنت انه بيتك !!

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

(احبك) رايد انطقها
حسبالي بسلاسة ماي
واجيت ونيتي اگولنها
(شلونك) طلعت وياي

شلونك كلش شلونك
تتيه عيوني بعيونك
بيك من الفراش اوصاف
بالك لايحسدونك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

روحي فداكِ اذا ملكتِ ترفقي..

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

أشرب بيگ وأخذ صفنه عالثاني
وادخن والگه رسمك بين دخاني
وبين الصاحي والسكران
چلمات العتب تطلع من الساني