أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

لبستني بأيدك الجرح الجديد
وانته فززت الدموع الغافيه

وگام ياهو اليمر بغيابك يصيح
لايگ اعليك الجرح بالعافيه

بيك بردانه المشاعر وانه نار
توصل لجسمي وتردلك دافيه

الك فاتح بالضهر وادي طواي
تخلع وسچينك تطب حافيه

جيب عين الصگر يمن نيتي وتعال
شوف ياهي التطلع اكثر صافيه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مو من طبعي أرد ع الماهم أزلام
رغم يوصل لأذاني الحچي الينگال

نملة ومايكبرك عني شتگول
شما كثَّر لسانك بالحچي وطال

المو شعرة يوصلة وينذكر بي
بيمن باچر يذكرونه الاجيال

هاك اچتافي وأصعد بالله شتصير
النمل يبقى نمل بچتاف الجبال


ميثم فالح

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

انا مضيع عكَل ومتيه الراي
ولأيوم نتوالم راي بالراي
اشو كَلبي ليحبه طلع براي
ولعاذل صفه غصبن عليه

من كلماتي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

صبت اجفني ماء ً علاما
الى ان صار في خدي علاما
احاول مرة أخرى علاما
حبيت مرة شحصلت
سالوفة للوادم صرت
خلاني ما اثق ابشر جي بالكلب
خليته
جنت اغفه وانتظره بحلم
تاليهه حسيت بندم
واحد بنه البيت بتعب ويطردوه من بيته



مهند العزاوي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عايشين بدنيا عوجة
وناس نيتهم ذبح
والتريده يجيس جرحك
ظل يحط سم ع الجرح
ياهو يسوة وتشتكيله
لسان وآدمنه رمح
لا شكر فاد اويه ناسي
ولا نفع بيهم ملح

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تهت تيهة سفينه بروج
ما شفت بوجهم نوح
اثاري الگاع هيچ تدور
چي ما تدري وين تروح

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

راجعين ولا تضنون بسوالف ننسى
حبكم وغيركم نهوى ونوالف


زامل سعيد فتاح

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

انت لو ماشيلي خطوة
چا گلت ياما مشالي وتعب اجدامه على دربي وچان بدروبي گمر..
انت لو زايرني طيف
چا گلت ياما اجاني وشبع عيوني نظر..
انت لو باچيلي دمعة
حسبتها لخاطر عيونك نهر..

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عيونكم ..
مفتاح روحي ،
تشوفني من غير غش
وكَلي..وليا حد نضل نطير
بدروب السمه من غير عش
ماكو شجره
نحط عليها..نسولف شويه ونطش

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

هو ذنبي
لا سكنت اوية الـ إجوني
و لا تبعت الراحلين
و لا آنة خالي و مختلي و مرتاح بالي
و لا آنة من العاشگين
ليلي مدري شلون اخلصه
لا سهرت اوية السهارة
و لا آني من النايمين