رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾
لسان حال من سار في طريق الحُسين
وهو لا يعرف الحـسين !
:انة ذاك الماعرف معنه الزيارة
انة ذاك الماكره طاري الحرايگ
شايف بدخانهن دويت جگارة
انة ذاك الما بچة عيون ع جرحك
خاف يتأثر سمارة !
مرة ابوي انطاني ثروة
گلي بوية بهذا تربح
باچر بسوگ التجارة
انه ضيعته يبوية
ذاك زنجيل الامارة
انه ماشي ب اربعينه
وسفه ما قاصد مزارة
انه شحچي
سيدي مشارك بكلشي
حته تهديم المنارة
انه ما هاجم بسيفي
انه هاجم ب الحقارة
جيتك وامشي ع دربك
واهتك بستر السبايا
سيدي بحجة الـ يلطم
باوعت عيني بجسارة
اكثر واكثر ذنوبي
انه كافر وبـ مهارة
انا استاهل عقابك
فدوا بس موش الزيارة
ربي عاقبني بعذابي
بس لا تبعدني ع دارة
لْـ ازولين
