أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

وانتِ يا اخر محطة
يمرها ريل وبيها يتلاگة
حمـد بـ أحبابة فتره..!

 

[mohammed.shams]

غريب انتچي اعله البيبان
محد يدري برسومي

انه المنسي انه التعبان
انه الملتم سواد الدنيا بهدومي

 

[mohammed.shams]

وچانت الدنيا محبة
وصارت الدنيا حرب
وعالسطر،
شرّينه اسامينه،
إسامينه الغُرُب ..
ونگِّطَتْ،
نگطة،
نگطتين،
امتلى الكاس،
بعمر،
ما ينشرب ..
ومرَّت الوحشة سوالف
واشتهت روحي الصرايف
أبتِعِد،
والماي يسگي الماي،
روجات،
وگُرُب ..
وتمطر الدنيا عله ضلوعي حنين
وخضَّرِت رمشين،
وخدودي عشب ..
ونَگِّطَتْ والغيم محنة،
وگِتلك اسكت،
گتلك إحنه،
نگطة،
كلش تافهة،
بآخر درب ..

 

[mohammed.shams]

تَدري شنهو اليوجعنَي .؟
انتَ ، والدَنيا وشَتا الله
وخَبصة الوادم ،
وحظي ،
والضِياع الماد رجله بوجه عمري
والاماني المَدري ياهو باك بيهن
والليالي التاخذ مِن الحَيل مِن تريد تَكضي ،
والضوه الما يَشتهيني
والهوى الما يَعتنيلي
والسما الما كمت اثق بِـ الظال بيها
مِن طَفى وجهك بِـ عيني

 

[mohammed.shams]

وعلي حـيل اللـيالي ويـاي يارن
اهدمن حيلي ولعند الگلب يارن
عـميت وما بعـدلي عيــون يارن
طـريـجي والـجريب ابعـد عـلـيه

 

[mohammed.shams]

وعـلي بـوجـوهن للجـول هاين
جدامي رسومهم ها بـطن هاين
يـخلي افراگكم ﭼـا موش هاين
اهـيم ويـا صبـر يـرڪد عـليـه

 

[mohammed.shams]

1. گـوه ويـالـخـلـگ عــايـش وراهم
   ويجيني الليل اگضي الهم وراهم
   يـربــي لــومــوديـــنــي. وراهم
   هـلي.. خـايف يمـر العـوز بـيــه.

   
   
   

 

[mohammed.shams]

وأگلك يا معطشني فراتك يسحر عيوني
واغنيلك دخيلك لا تضيعني
وانه الملموم بشليلك

 

[mohammed.shams]

ومدري ليش الجدم
تتراجف اعله دروب النودهم
والمصيبة علينه ما يرجف گلبهم

 

[mohammed.shams]

ومـدري ليــﺵ
آبنـادم يـﺩور الرخيــﺹ
ناس مايرهم عليها الغالــي