أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

وآنه صافن مثل المحجَر
على الريح أنتچيت
لا مِتت أنتَ ولا آنه الحييّت
لچن الأيام ماتت ..
غَلطتك يالچنت كلشي ومادريت
غلطتك صلحها بعدَك أنت كلشي !

ـ مُظفَر النواب .

 

[mohammed.shams]

وأزعلك..
لذتك بالعشگ من تغتاض
وتگطر شفافك عسل گنطاري
وأرضيك بـ ولك يَّ بعد هاي وهاي
وأتعذر سنة وما تقبل أعذاري
وأحبّك من صدگ من حُبّ زمانه الفات
مو حُبّ هالوكت والعشگ طيارّي.

- عريان .

 

[mohammed.shams]

عاتبَنــي لو بالچــذب
حسسنـي هم محترك
مثلــي ببرد فرڪتِي
عيشنـي دور المُحـب
خلينـي احسـك صـدڪَ
تسوه البچـي وحركتـي

 

[mohammed.shams]

عاتبَنــي لو بالچــذب
حسسنـي هم محترك
مثلــي ببرد فرڪتِي
عيشنـي دور المُحـب
خلينـي احسـك صـدڪَ
تسوه البچـي وحركتـي

 

[mohammed.shams]

أنا الثگلت عليه روحه
أنا الكل تايهة وكل عابرة تلوحه
أنا المتروس صدره عتاب
أنا العينه على دگت الباب
أنا البالغربة يتغنى
أنا المحد ينشد عنه
أنا الينشد أنا اليفكد أنا اليترگد ترگد

 

[mohammed.shams]

مابين حچيك أمٍس ومابين حچي اليَوم
ضَاع العُمر ونگضه بين العتب واللوم .

 

[mohammed.shams]

لا ع السلف مريت لا گلت أهلنا
يالگطعي يالمابيك ذرة محنة.

 

[mohammed.shams]

حرت يا صاحبي وبس انت البالي
تره ماي الگصص عند الزلم غالي

 

[mohammed.shams]

أفز وأشتـاك لعيونگ و إعذرنك
الك بيه حجي ما ينشبـع عنَك

 

[mohammed.shams]

مو بس للعتب والشوف ،
‏صوركم ينگعد يمهن .