أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

هذولة احنا
مشت دنيانا بالمگلوب
ألتمت علينا حروب
وأنسدت دروب وبوب
لكن أبد ما طحنة
هذولة احنا
ورد جوري اذا فحنا

 

[mohammed.shams]

تيهتني
ومن هذاك اليوم أدور
مالگيت لـ حلمي گاع

 

[mohammed.shams]

لو تبقالي بس چم ساعه من عمري
لـ اخر لحظه بالساعات منتظرچ !

 

[mohammed.shams]

مناطرك مثـل عين العصافيـر
التظل متانية لـخيط الفجــر

 

[mohammed.shams]

1. نسيان اليحب چذاب ،
   الغِنه الينسمع صدفه يذكرك بغايب

   
   
   

 

[mohammed.shams]

من شفتچ وگلبي خفگ
دگاته صارنلچ تُفگ
من يومها وقُربان إلچ
النبض، النفس، كُل الخلگ
يحليوة يعيونچ علگ

 

[mohammed.shams]

يا حِزني وبعد حِزني،
غيابك من لوزِتي يحِزني
يالگبالك يخف ثگلي
وهَيبتي و وَزني
جبل والريّح ما هَزني
وصورك لو تمر بية
روحي لگلبك تدزني
مو گتلي ؟
منتفارگ وأعوفك حِلم؟
من هذا الحِلم فَززني
يا حبيبي كلام الناس ينغزني

 

[mohammed.shams]

‏يا ثُگل نسمة جِفاك‏
وخَفّت الدنيا برفگتك

 

[mohammed.shams]

1. وصبحت يهلي
   علّه أجفوني الخواطر غاليات
   وطيفكم عاود عله عيوني حنينه
   
   
   
   
   عريان السيد خلف

   
   
   
   

 

[mohammed.shams]

لو نكدر يروحي نطير فوك الغيم
فوك الضيم ..فوك دروبنه الضيكات

حتى الخطوه تمتد والمسافه تطول
وتكبر بالنهايه احلامنه الحلوات .




لـ عريان السيد خلف