أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

‏چثير گزازك بروحي واگولن هاي حنيه

 

[mohammed.shams]

ولو بچينه شراح ينفعنه بچينهچم فجر طر وبچه ويانه علينه.؟
ليا وكت هيچي نضل نلوب سكته
ومحد يعرفه شنو المكسور بينه.
ولا يتوب أمن المحنه ولا يبطل
شكو بـ هل دنیا حنين يكف حنينه.
الناس والدنيا ابد ما ترحم أحد
والحنين يخونه كل شي، حته عينه.
وهاي عيني شكثر اقنع بيها آنه
(وگلبي والله)
ولو حچو بـ عزازها تنسه شحچينه.
ولك يا گلبي دكافي أمن المحنه
غير بس لچمات گلي؟
آنه وياك شحوينه.
خاف تالي وولك ننباع بدراهم
وفشله من يبيعنه ألي مشترينه .
ومو جديده واحنا نعرف يا حبيبي
شكو حنَيِن منطي گلبه بايعينه.
زين باچر خاف نعثر بـ البواچي
وتغفه أنتَ وآنه اموتن من يجينه.؟
بله هسه شجابنه لـ هاي السوالف
كافي شنهي وها كثر حسبات بينه .
وباچر الله يحلها باچر كافي بسك
خلي نغفه لچن نتغطه بـ بچينه.
-زهراء حيدر

 

[mohammed.shams]

ياعيني بـطلي الدمع
‏بطلي الـسهر والشـوگ
‏يـاروحـي لمـي العتب
‏هـذا الـعـمـر مـبـيـوگ
‏چم دوب أنـاطـر وأحـن
‏أحسـب وأگـول أتـعـود
‏ويـا ﭼـفي چـا لـشوكت
‏تحـلم بـ ﭼـف مـگيـود

 

[mohammed.shams]

كلهن ياخذني عليك
الصفنة وأشواگي وحسرتي
كلهن يذكرني بيك وانه حالف ما اجيك

 

[mohammed.shams]

شَـايف من تضل تنعِاد ﺎلايَـام
نفسِها و ماڪو شِـي بيها يتجدد
يجي شڪم باچِر وما يختـلف شِـي
نفس ﺎلبَـارحه بس عمرك ازيِـد
وصح تنڪِتب عايش بالسِجلات
بس انتِـه مجرد رقم ينعَـد
و اڪبر مِشڪله يواجهها ﺎلانسان
مِـن عالمُشڪله يبدي يتعَـود

 

[mohammed.shams]

خلص قداحك واجيت
تعتذر مني
وبچیت
لا تدنج خل اشوفك صدگ تبچي
وامسح دموعك
واخلي دموعي تجري
بين اديك





مظفر النواب

 

[mohammed.shams]

1. وكت الليل
   من نامو المايدرون
   على گد البقه من الحيل دوّرتك ..

   
   
   
   

 

[mohammed.shams]

الما ندب بلضيج حيدر ولينه
ماتنكضي الحاجات لوينطي عينه

أحمد العطواني

 

[mohammed.shams]

عَثره الدَرب وجروحـك هواي،
ودَگّ الحِمل روحه بثنـاياي
جيتـك
نَسِـيم..
وسِـدره
وفيـاي
،حِسچه ورَگص جَمريه عالنّـاي ..
يا گُمر… مُظلم يسهر ويـاي
يا نَهر… بس عَطشان للمـاي

 

[mohammed.shams]

اعـزازك اشـمـا دللتـهم تنلـچـم غصـبا عليـك.