أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

دمعة
وطين حر
وناي
يا نهر العطش
عذبني طيف الماي ..
لا تحرك صرايفنه
تره العلكو شموع الليل
شالو شرشف الظلمة
ولكوك وياي ..
لا تنضح ورد ،
بالروح ضيم هواي ..
ضيم هواي
ودمعة
وطين حر
وناي

 

[mohammed.shams]

سهرنالــك اشگد و اشگد
يعاگول الــعشگ كافي بس باااحلامنه اتورد
غازلــني اشتهيت انباگ
من روحي لــ حضن روحك اريد الــبد!
طرزلي سوالـف ناي
دفيني لــ وجه ملگه بديت ابرد!

 

[mohammed.shams]

چم ليلة عل ليلة يعز عليه النوم
بس طيفك توالي الليل خطاري

 

[mohammed.shams]

و أنه گتلك !
گتلك الدنيا لوتني وبيك أحِسني أنسان أقوى
ليش خَليت العشگ بعيوني نَزوه.!؟
يالتسوى ناسي وهَلي شخلاك ماتسوه.!؟
تَرا تعافيت مِنهن لا يضل بـ بالك
مو انه اليچلب بَعد بذيالك
ولا انه البَعد يسهر يتاني تعود
خليني لوحدي أعيش
و وحدَك أحلالك .

 

[mohammed.shams]

يِهنيالةه الِـ يَحط راسةه ويَنام بِساع
ومَامش سالفةه بَبالة
ويِهنيالة الـِ يَموت بسيف
ولا نَظرات چَتالة

 

[mohammed.shams]

يمّ بابَك تراب أنطفّي
و أنباگ و أتوزّع ضِحك
چّم ثوب ألك جاسَه المُطر
بطُولك عِثر ذاك النَهر
ما صحّ عُطر ..
يَـ التسبَح برُوحي شبَعد !
حُضنك بُرد ..
سولفنّي يمّ گلبك حَزن
بلچن تحنّ و ترد حَضن .

 

[mohammed.shams]

‏لاتِنشد عَلينه منيِن
مِن ضِلع الحُزن
والتعَب
والحُرمان
نلتَم والأغانِي تگُوم تچفِينه
عِشنه هواي
وغبنَه هواي
لا رَنت سراگِينه
ولا مِرسال يچوينه
ونرد يومِيه تالي الليٌل نطُوطَح
ورانَه اتخُط اسامِينه
ذوله احنه
تِتَن سِحگته شفاف الناس
ونعاويّ
ودَمع مو وَكته
غريبين شيِدلينَه .

 

[mohammed.shams]

رديِت وجدامِي تخُط حِيره ونَدم
رديِت وعيُوني تخُط گبل القَلم
رديِت لحچاياتنَه العايزهَا بَس چِلمة صدُگ
وعيونَه الحَلمانه بالقُداح لو مَره يطُگ
رديِت عالبيّبان باب اباب ادِگ
ردِيت.. وشرَديت لا موعِد ولا چِلمة نَعم
ردِيت وجدامِي تخُط ردِيت وعيُوني تخُط .

 

[mohammed.shams]

وأنتِي يا خُصر الشَواطيّ
شكَد نوارِس تشتَهيِچ

 

[mohammed.shams]

هاك عمري الضاگ
حنضل وانت برحي