أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

العظيم عَريان سَيد خَلف يگول:
يَلتمن عَلية مَشتتات البَال
وأنفَضهِن نَفض وأنهَض ولا چني
الآب مُظفر ٱلنَواب يرد علية ويگول:
انَة التَمن عليَة مَشتتات البَال
خَذن ثلثين حَيلي وكبرَن سِني
وانا اگول:
كل مَشتتات الگالهِن عَريان
عَليَّ بنومي يَلتمَن

 

[mohammed.shams]

شَنفِضهن نَفض شَو كلهِن التَمن
لا عَطوة النَطني ولا رَضن يَهدن
شگثر أسَهام كلهن فَد وكت هَدن
سَهم وداع، سَهم أوجاع !!
وسَهم ذاك العزيز الصَار جوة الگاع
وسَهم عَمري وشبابي الضَاع
وتاليهن العوز الاكل بية أضَلاع
شَنفَضهِن بَعد ونَيابهِن حَدن
شاة وبَين سَبع ذَياب شَيخلن ؟!
انة بَطرك العَظم والدَود بية اكلن

 

[mohammed.shams]

وَهدنِت رَوحي وگلت بية گصب
كلهَا صَارت هَور ومربية شَلب

 

[mohammed.shams]

واحَنا تَربات الصَرايف والگصب

 

[mohammed.shams]

غصباً عالسهر إلا اغفه گوه

وبعد ما أرؤح للبطران فدوه

مدري شمالني كاتلني العتاب!

ثاري الناس بس بالصور حلوه

.........

 

[mohammed.shams]

انا المارخصت صاحب
وانا الماكصرت لأحد
وانا الناشد على الغايب
وانا الماماشي جزر و مد
وانا الي جفي ماساحب
من جف الا وهو ابعد
وانا الحالف بهالشارب
ماعاشر كلب اسود

....
خالدالسعد

 

[mohammed.shams]

ناسيّني
‏بس هم أجي ابالكَ
‏واترس عيّونك حزن وأتلاعب بُحالك

 

[mohammed.shams]

قصايدهم شَتم وصياح
ما بيهم شِعر صدگي
‏تدنّيت وكتبت اسمچ
قصيدة بمُعترف عشگي

 

[mohammed.shams]

بعدنه نموت اذا واحد يزاعلكم
وبعدنه نضيع اذا شفنه ملامحكم

 

[mohammed.shams]

ضعت والدنيا ماتندل
مصطفى الخزاعي.