أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

مو كلمن عثر معناهه شايب صار ..!ولاكلمن توضى بماي #تايب …!
اكو بيهم شباب وعمره بالعشرين ..؟
لچمات الگلب خلنه #شايب ،،

 

[mohammed.shams]

لا تكسر...اذا ماتعرف التجبير
اذاماتعرف انت اتداوي....لا تجرح
ولثّق ابخنسته الما يندهك ليل
اكثرها الضواري التعض ماتنبح

 

[mohammed.shams]

دي
للول
البخت يبني دللول
لا تكعد ابد خليك ممطول
النحطهم بالبيابي وبين الرموش
حطو ذكريات ايامنا ابجول
دللول البخت يا لمافقت يوم
وبخت ابن ال.... شريفة يصول ويجول
ماجاتل لي بكة بحرمس الليل
جا كلي شجاك ودوم مجتول
دللول
.
.
خالد السعد

 

[mohammed.shams]

خسرنه گلوبنه الما عرفت تعاشر
‏خلصنـه العمـر مـن باچر لـباچر ..

 

[mohammed.shams]

محد يفتهم حچي الشجر والريح
ولا ندري المطر من يا عيون يطيح!

 

[mohammed.shams]

چنت أسكت تگلي السكته حافظها
وأچذبك والمصيبة ادريك حافظني
وهسه احچيلك البيه وتردلي بكلمة المدري!
يـ ولفي شغيرك عني؟

 

[mohammed.shams]

گالوا يحبك
گلت من شاف گلبه
وچبست دمعي
وسكن نبض الگلب
ع لا يذمك
ترس چفي سوالفك
وحدة على وحدة
وعرگ جيدك زمزمي
وخجلان تتعذر
واكلك ولا يهمك
من تجسني شفايفك
تاخذني غيبة
ومن ترشني بمزنتك
ولهان افز
لن روحي يمك
اختل بحسنك
وافج گلبي واطلعك
تلعب بعمري
واخاف الغير يندلك

 

[mohammed.shams]

أنا من جمعني وياك
من شدني ويه طولك
طعمك بيه
وصرت حلوك ومرك
لنها ما بالغبشة
غبشة بغير عينك
خاف اترز بيك
حد كطع النفس
وأزهك واضرك
خاف تطشر ولك
وشلون المّك

عريان السيد خلف

 

[mohammed.shams]

بعدني بخير
وبعدني اتونس بليلي
وبعدني الغبشه اشم الماي
واغازل كل ظفاير طير
بعدني اتنفس وعايش
ولا تسأل عله احوالي
ضحكتك باگهه الوهواس
واهمالك عبر حده
ما محتاجلك گلبي يدگ وحده




عبدالله العبدلي

 

[mohammed.shams]

دكاكين
وصحاري الخوف
يتفرهد حظنة ب( أخ)
بس منخاف غنينة..!

وضيعنةة دربنة آمنين
حجل المستحة( يغني )بچفافينه..

حزن الوين....
يم كل صورة بعيونة
انشتل دخان.
مختنگين ما بينة

گعدنة نشخبط اعلة الغيم
بس زخه مطر جينة

دكاكين
وصحاري الخوف
ما رادت جدمنة يفوت
ظلمة وبس حزنة يشوف
من ننخاه يضوينة




لـــــ فاطمة الصالحي