أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

1. آنه التعبان
   آنه المحتاج رَشة واهس الكُلشي

   
   
   
   

 

[mohammed.shams]

هاي الأيام الوفة
ما تنمشي دروبه
و ما دام كلها مشت
چا ليش أداري الصور
و عيوني متعوبة
محد بچه إعلة الشمس
يا روحي لمن بچوا
كلمن على غروبه

 

[mohammed.shams]

الوكت خلاه علي يتبختر العاكول
وانا جنت الورد استنكف اشتمه

 

[mohammed.shams]

السهر والخوف وادموعي
ومحطات الحزن بـ الروح

والغربه الشرت لوني
وجفه گلوب الـ مستعز بيهم

كل هذا وبقيت أنه
أطش گلبي نذر للـ شوگ

لوّن ينجاب طاريهم

 

[mohammed.shams]

استكثرت بيه الوفة واني الوفيت
حسبت تالي الوگت يصفالها

 

[mohammed.shams]

لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه

 

[mohammed.shams]

أنه انشدمن عليك وغيمك مسافر
وحگ الليل
يفضحني رفيف الروح لو ضمك





لــ كاظم العطشان

 

[mohammed.shams]

گللها..
شعرچ وشامه رگبتچ
خلنّ گليبي رچيچ ،
عطرچ أتبده أعله ثوبي
من أثر شبگتنّه ذيچ..

 

[mohammed.shams]

وديلي رسايل فارغة بلونك
أريد أعرف صدگ طيفي
وديلي رسايل بيض
أحط بيهن حچي وأقراهن بكيفي

 

[mohammed.shams]

چذبت لمن گلت ناسيهن عيونك
صرت اني اشوف البشر كلهم يشبهون