أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

1. أعاينلي بالمراية
   واشوفن روحي موش آنـه
   شخذت ويـاك مني وصرت موش آنه
   
   
   
   
   لـ عبد الكريم القصاب

   
   
   
   

 

[mohammed.shams]

عيــوني مـابيهـن غريب وشـايــلاتك
ليش ترخص طيح من عيني بغلاتك





لـ وسام سباهي

 

[mohammed.shams]

‏روحي خضره ونيه الوادم خريف




محمد الارتل

 

[mohammed.shams]

ذبلن مواسيم الكحـل
والضحكه راحت فتره
ليش اليفارگ بالعجل
يلزم صفحته وظَـهـره

 

[mohammed.shams]

بكلشي اتصنعوا حتى اعله هذا الليل
الما سهران يشكي وحومر اعيونه !!

شيّنزل (الستاره) وينتهي التمثيل
ويطلع من صدگ كل واحد بلونه ؟

 

[mohammed.shams]

وانتِ يا اخر محطة
يمرها ريل وبيها يتلاگة
حمـد بـ أحبابة فتره..!

 

[mohammed.shams]

غريب انتچي اعله البيبان
محد يدري برسومي

انه المنسي انه التعبان
انه الملتم سواد الدنيا بهدومي

 

[mohammed.shams]

وچانت الدنيا محبة
وصارت الدنيا حرب
وعالسطر،
شرّينه اسامينه،
إسامينه الغُرُب ..
ونگِّطَتْ،
نگطة،
نگطتين،
امتلى الكاس،
بعمر،
ما ينشرب ..
ومرَّت الوحشة سوالف
واشتهت روحي الصرايف
أبتِعِد،
والماي يسگي الماي،
روجات،
وگُرُب ..
وتمطر الدنيا عله ضلوعي حنين
وخضَّرِت رمشين،
وخدودي عشب ..
ونَگِّطَتْ والغيم محنة،
وگِتلك اسكت،
گتلك إحنه،
نگطة،
كلش تافهة،
بآخر درب ..

 

[mohammed.shams]

تَدري شنهو اليوجعنَي .؟
انتَ ، والدَنيا وشَتا الله
وخَبصة الوادم ،
وحظي ،
والضِياع الماد رجله بوجه عمري
والاماني المَدري ياهو باك بيهن
والليالي التاخذ مِن الحَيل مِن تريد تَكضي ،
والضوه الما يَشتهيني
والهوى الما يَعتنيلي
والسما الما كمت اثق بِـ الظال بيها
مِن طَفى وجهك بِـ عيني

 

[mohammed.shams]

وعلي حـيل اللـيالي ويـاي يارن
اهدمن حيلي ولعند الگلب يارن
عـميت وما بعـدلي عيــون يارن
طـريـجي والـجريب ابعـد عـلـيه