أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

وعـلي بـوجـوهن للجـول هاين
جدامي رسومهم ها بـطن هاين
يـخلي افراگكم ﭼـا موش هاين
اهـيم ويـا صبـر يـرڪد عـليـه

 

[mohammed.shams]

گـوه ويـالـخـلـگ عــايـش وراهم
ويجيني الليل اگضي الهم وراهم
يـربــي لــومــوديـــنــي. وراهم
هـلي.. خـايف يمـر العـوز بـيــه.

 

[mohammed.shams]

وأگلك يا معطشني فراتك يسحر عيوني
واغنيلك دخيلك لا تضيعني
وانه الملموم بشليلك

 

[mohammed.shams]

ومدري ليش الجدم
تتراجف اعله دروب النودهم
والمصيبة علينه ما يرجف گلبهم

 

[mohammed.shams]

ومـدري ليــﺵ
آبنـادم يـﺩور الرخيــﺹ
ناس مايرهم عليها الغالــي

 

[mohammed.shams]

ضمني بليل ثاني وحل حلال الخل
شحيحة افراحنا ودكانها معزل
الضحكة نبوكها من الآه والـ يا ويل
وصياد الهموم بدفتره يسجل

 

[mohammed.shams]

واشتاك لـ أسمك وانكسر
واصفن واكولن تكضي

 

[mohammed.shams]

وانه كلما اصفنلها
الگه نفسي انسان ضايع

لا انه متحمل اذيته..
وناسي جرحه ..وسكته راجع

ولا چويت اگليبي منه
ومن گلب والسان ( بايع)




لــــ سمر الخالصي

 

[mohammed.shams]

لم حجي البيبان كلها
وطشه فوك الكاع بذره يخضر اسمك
انت شمسوي ولحد الان احبك

 

[mohammed.shams]

لا طيب حليب يحرك الوجدان
ولا صاحب وفي وعد الضنك ينشد

عريان السيد خلف