أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يِهنيالةه الِـ يَحط راسةه ويَنام بِساع
ومَامش سالفةه بَبالة
ويِهنيالة الـِ يَموت بسيف
ولا نَظرات چَتالة

 

[mohammed.shams]

يمّ بابَك تراب أنطفّي
و أنباگ و أتوزّع ضِحك
چّم ثوب ألك جاسَه المُطر
بطُولك عِثر ذاك النَهر
ما صحّ عُطر ..
يَـ التسبَح برُوحي شبَعد !
حُضنك بُرد ..
سولفنّي يمّ گلبك حَزن
بلچن تحنّ و ترد حَضن .

 

[mohammed.shams]

‏لاتِنشد عَلينه منيِن
مِن ضِلع الحُزن
والتعَب
والحُرمان
نلتَم والأغانِي تگُوم تچفِينه
عِشنه هواي
وغبنَه هواي
لا رَنت سراگِينه
ولا مِرسال يچوينه
ونرد يومِيه تالي الليٌل نطُوطَح
ورانَه اتخُط اسامِينه
ذوله احنه
تِتَن سِحگته شفاف الناس
ونعاويّ
ودَمع مو وَكته
غريبين شيِدلينَه .

 

[mohammed.shams]

رديِت وجدامِي تخُط حِيره ونَدم
رديِت وعيُوني تخُط گبل القَلم
رديِت لحچاياتنَه العايزهَا بَس چِلمة صدُگ
وعيونَه الحَلمانه بالقُداح لو مَره يطُگ
رديِت عالبيّبان باب اباب ادِگ
ردِيت.. وشرَديت لا موعِد ولا چِلمة نَعم
ردِيت وجدامِي تخُط ردِيت وعيُوني تخُط .

 

[mohammed.shams]

وأنتِي يا خُصر الشَواطيّ
شكَد نوارِس تشتَهيِچ

 

[mohammed.shams]

هاك عمري الضاگ
حنضل وانت برحي

 

[mohammed.shams]

هونك اتهده وي گلبي
وبسك تمرجح
تره خويطه رفيع

كاظم الگاطع

 

[mohammed.shams]

لا تجينة ! ولا أجيكم واليدگ بابك

بعد تنشل يمينـة ."

عريان السيد خلف

 

[mohammed.shams]

عيونك تنعشگ گوه
يَمن كل السلف يندارلك فدوه.

 

[mohammed.shams]

ذمه برگبتك !!

ساعة ساعة الـ ما نمتهن ..