أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ودي أطش اسرار روحي
ودي أموتن بين أديك
ودي لو أجيتك حزين تضمني بيك
ودي بس انتَ بعيد.

 

[mohammed.shams]

ما گلتلي الدنيا تنمل لو عفتني
وكل وطن ألگا ذبيحك
يالخذت اخر تعال وحيرتني ابيش اصيحك

 

[mohammed.shams]

تعاليلي بعلاة الصوت صيحيلي
اجيچ اركض ركض فلاح شبت نار يم گاعه

 

[mohammed.shams]

هذوله أحنه بعدنه أحنه
خضيري الهور يتغنه بسوالفنه
ومدّ الماي بينه يفيض لو رفت شفايفنه

 

[mohammed.shams]

وآنه صافن مثل المحجَر
على الريح أنتچيت
لا مِتت أنتَ ولا آنه الحييّت
لچن الأيام ماتت ..
غَلطتك يالچنت كلشي ومادريت
غلطتك صلحها بعدَك أنت كلشي !

ـ مُظفَر النواب .

 

[mohammed.shams]

وأزعلك..
لذتك بالعشگ من تغتاض
وتگطر شفافك عسل گنطاري
وأرضيك بـ ولك يَّ بعد هاي وهاي
وأتعذر سنة وما تقبل أعذاري
وأحبّك من صدگ من حُبّ زمانه الفات
مو حُبّ هالوكت والعشگ طيارّي.

- عريان .

 

[mohammed.shams]

عاتبَنــي لو بالچــذب
حسسنـي هم محترك
مثلــي ببرد فرڪتِي
عيشنـي دور المُحـب
خلينـي احسـك صـدڪَ
تسوه البچـي وحركتـي

 

[mohammed.shams]

أنا الثگلت عليه روحه
أنا الكل تايهة وكل عابرة تلوحه
أنا المتروس صدره عتاب
أنا العينه على دگت الباب
أنا البالغربة يتغنى
أنا المحد ينشد عنه
أنا الينشد أنا اليفكد أنا اليترگد ترگد

 

[mohammed.shams]

مابين حچيك أمٍس ومابين حچي اليَوم
ضَاع العُمر ونگضه بين العتب واللوم .

 

[mohammed.shams]

لا ع السلف مريت لا گلت أهلنا
يالگطعي يالمابيك ذرة محنة.