أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يگللها :
متـغـيره
مــو ذيـچ الـتـضـل تـتـباچـة من نزعـل
ولا ذيـچ البـعدها صـغيره ،،،، وتـحـبني !

 

[mohammed.shams]

تگله :
إشطبني
العشگ مو نخوة حتى أنخاك !
ولا گلبي ضريح إمام من تدعي يگلك هاك

 

[mohammed.shams]

انه اطيب طين يتعاشر
و حسبوها غلط من گالو اتعوض ،
انِـه المن يسمع حچاية
كل الليلة ماغمض ،
من احچي اويـ الكسر يرتاح
يرجع رض ،
كلها تغيّرت صدك !
وانِه چم لون شاورني وبقيت ابيض ،
طيب گلب من يومي ،
مو عالناس
ما اكبر على هدومي ،
الوجع والنار يتدنن
الوجع ما يبقى بـمچانة ،
ويرفس جدمي علـ مامش
مثل اقلام خلصانة ،
بعدني لهسه وي گلبي
اغني لكل كلب مكسور ،،
حنين وحتى من ازعل
بساع ارجع
تراب كبور ...!

 

[mohammed.shams]

ياهني ويا شوگ روحي
ويا عزيز ويا مزار
يطفح بچفي حنينـي
ومن حنينـي إعليك اغار

 

[mohammed.shams]

هذا ليل وحتى المصوب يلم روحه ويهيد
وانـــه ضـــال مـــناطـر الــمن ؟
مـا ينــام الــــما عـــرف روحـه شتــريد !

 

[mohammed.shams]

وين الگاك؟ يا الماخذني انا وياك .
- ‏تمر مره وتغيب سنين
ولا جنك حبيبي انته؛

 

[mohammed.shams]

وين الگاك؟ يا الماخذني انا وياك .
- ‏تمر مره وتغيب سنين
ولا جنك حبيبي انته؛

 

[mohammed.shams]

‏حبني استاهل محبتك
صوغني اگلادة لرگبتك

اضحك وتلگاني شاري

وبايع الدنيا بضحكتك

 

[mohammed.shams]

وانه ادري مانرهم بعد..!

بس المهم حنيتلك ؛

 

[mohammed.shams]

ليش بـچيت العيون الگلت احبهن ..