أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

حيرة .. ولا فرح
يفزع يفك سجن الغنى البية
ولا نسمة دفو تمرني ..
وتصير بإذني ترچيه
اليظل ينزف نجم كل ليل
يريد بصفنتة بنية

 

[mohammed.shams]

انزف صبر ياوطن.... بيه الك مية جرح
كلما يهيد الالم بجروحي اذر الملح
افديك ياوطني لوميه مره انذبح
واشرب نخب هيبتك من المسا للصبح

 

[mohammed.shams]

العشك مو أنتشي بلمسة اِديك ،
العشك من أنت يمّي ..
ومدري ليش آبجي عليك .

 

[mohammed.shams]

شامة رگبتگ تفتهم
كلما يمر بيه التعب
تبرز ضواهه ولونها

احساس الدفو بچفك وطن
وبوست الرگبه تمر ضوه
ولحد يگلي شلونها

 

[mohammed.shams]

اشتم مكاتيبك خمر
وتصعد نشوتي عله السمه
وغيمات اطيح ابابك

بس گلي عينك هم تصب
لمن امر ابالك

لو ما بقه بروحك اثر
وبساع تنسه احبابك

 

[mohammed.shams]

1. چنت اخاف افراگكم من چنتوا يمي
   چنت اگلكم كلشي سووا
   ولا تغيب وجوهكم فد يوم عني
   بدونكم المّن اغنّي

   
   
   
   

 

[mohammed.shams]

الليـٰل شبعَنـّي سفـٰر وأنـي بمكـِٰاني

 

[mohammed.shams]

أنه ردتك گبل من چان گلبي بخير
گبل لا صيح ياهو يصير چتالي
گبل من چنت اغمّض خاطر اتلگاك
بعدين افتهمت الظلمه تحلالي
بعدين افتهمت النجم ليش بعيد
ثاري النـاس تكره كلمن يلالـي
ثاري المطر ينسه ولايته مجبور
شفتهه الغيمه ياخذهه الهوه العالي

 

[mohammed.shams]

مَدري منهو إبصدري يبجــي
مدري منهو إيشَكَـٌك إبكَلبي كواغِــد
مدري منهوْ إيريــد يرحـَـلْ
مدري منهو إيجرني بيدَر للمطـــر

 

[mohammed.shams]

من شفتك تغير موعد النوم
بديت اسهر و احن و اشتاگ و ابرد
و اغار و ترجف ايدي و ابچي و احتار
و اشوفك و ارتبك و ابنيك و انهد