أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

باچر دروبك تغنّي تذكر البيّه تحبّهن
تبچي وحدك
تبقى يم روحك تكابر !
باچر بحلمك تسافر ..
للمواعيد الـ گضيناهن برود
للبچي ودمعاتي يمك
للوعود .

 

[mohammed.shams]

شبسرعه كبرنه بسرعة الريح
امس نلعب وهسه نكوم ونطيح
جنها البارحه ماجنهن سنين
بعدها اثار ادينه اعلى الحياطين
قفلنه افراحنه وبعنه المفاتيح

 

[mohammed.shams]

أجيت ابالي مره وصدگت جاي
بچيت وشبگة مسودن شبگتكــ
شبعد عندك حچي وشرايد تگول
تريد تعوفني ؟؟
وصلت فكرتكــ !!
حبيبي أتدلل أدري تريدني انساك
عفواً قصدي تدلل حظرتكــ

 

[mohammed.shams]

الفركه نواع هاي الفركه من يا نوع
شتجيبك دمعتي لو كلمه لاسف
دخيلك شكي يكتل اريد ارتاح
كلشي بداخلي من الغدر خايف

 

[mohammed.shams]

‏وأصليلك
تمر بيه ضوه بيا حد
حد الجزر حد المد
حد الما وصل للحد
يامجره الشمس گلي ضواك شگد ..

 

[mohammed.shams]

شميتك من ابعيد
مني ارتخـــه الحيل
وما ميزت مبخوت
عنبر ؟ مســچ ؟ هيل ؟

 

[mohammed.shams]

هذوله أحنه
غريبين بمحطتنه!
لاغنّوه التفرحنه
ولاعين التنسينه
ولاتمرنهَ وجوه
چانت كل آمانينه
هذوله أحنه بملامحنه

 

[mohammed.shams]

بس گلي مني شماخذ وياگ
يلعودت روحي اعله ملگاگ
للغربه خايب ياهو وداگ
چا ياهو مثلي يحبگ هناگ

 

[mohammed.shams]

على يا هيـه اعذرك ؟ مو قليل الصار بيـّه
على دَمعاتي عليك ، لـو دمُوع امي عليـّه

 

[mohammed.shams]

تعبّتني !
مثل طبع الـ ريح طبعك وآنه ورقه ،
شما لگيتّك ضيّعتني .
من لگيت إسمك حلم چا فززتني !
من جبت بيدي التذاكر ،
چان قصدي وياك أسافر !
من جبت بيدي التذاكر ودّعتني .
ليش من گتلك أحبك ما گدّتني ،؟