أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

الـــيا خرابه تريد روحي
الـــيا درابين الـــحزن لهفانه تركض
إخ لو باقي اعله حزني ولا لـــگيتك
إخ بس يا إخ الـــتفض

ذابل بروحي خضاري
و حنتي بـــچفي تموت

انه ناذر ضحكه سودة
ضحكة متروسه حزن وبلايه صوت
انه يومية اموت !

 

[mohammed.shams]

بشمس خميت مالك اثر. ولفاي
زيبگ يل حديت بظعن... ولفاي؟
الشفاگ اغبش ادور علیك . ولفاي
المسيه انده ملالي السلف ليه

 

[mohammed.shams]

الحــزن بـيـنـه ...
فطر جامــه يكبـر ما زغــر طـرّه

الحــزن ...
بـالشــوف ، بـالــدلال ، بـالنبــره

الحــزن ... شايب وعيـنه اعليـه
متـنــه ومـا خلــص عمــره

و ردنـه نشــوف ضحكـتـنـه
لـجن .. مـامـش فـرح ينـشـاف

الفــرح .. عدنــه ضحـك فقــره ..

 

[mohammed.shams]

كل العمر ليله وفركتك ليله
سرابك بل سمه ومفكر امشيله
يحصد بل جدام الدرب من يطول
واذا رايد تقشمر جدمك بسفره
على الرايحله غنيله

 

[mohammed.shams]

هويته
وعَرف من اني هويته
وسباح الگلب سويته اله ارچاب
حط رجله وتولاني اولويته
ويا ويله اليطيح ابولية احباب
يعذبني
وعذابي انه اشتريته
يگلي وين يأمر وانه انساب

 

[mohammed.shams]

يهلبت بيك زلّة شوگ ويحنن مراسيلك
يهلبت طيف وتسيّر علي وتگلّي شدحيلك
چا خضّرت من اجديد
چامشّيت المرايه و عزمت المشط و الحنّه
چا نشّيت كل نورس بحجة عيد
يل امتعّبني مامِلّك
بذرّات الظباب تضيع صم دخان اجيك مغمض اندلّك

 

[mohammed.shams]

گرداله اعله جيدك اصب روحي نگاش
واتشلبه اعله طولك شوگ يردم شوگ
بلكت من تطخ تناش
يلمالك تنين بسجة الحلوات
شما اعيشك احسك بعد هم تنعاش

 

[mohammed.shams]

صعبه من تلوم گلبك
كلشي منك
وانت تدري الكلشي منهم
صعبه من تصير وياهم عليك
وتكعد تچذّب الظنون تبرر الهم
وفشله من تفيض عينك يم صورهم
وانت تدري الوادم المستعز بيهم
ما يحبوك وتحِبهم

 

[mohammed.shams]

ما الك نيه اشتريك بحيل كلبي
ما الك نيه اعبدك انت ياحلوات ربي
فاكد النجمه التضويلك صفنتك
فاكد الصفنه التلوليلك نجمتك
حبني كد الموت من يزهك بأهلنه
حبني كد نيشان شوفك من يطك سوله بدربنه
حبني خل اشتم هويتي الضايعه بحجة وطنه

 

[mohammed.shams]

چنك مطر فوگي ايطيح
محّد يگدر ايردك
أكرهك من تجي ويه الناس
احبك من تجي لوحدك