أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

مـن گـالـولـي عنك..

مثل طبع الهيل..

التهيت بريحتك ماكلت كلبة اسود

 

[mohammed.shams]

عاملني بهداوه لاتزيد جروح
تره جــروح البيه تـــــكفيني
لاتجرح بيه وتكلي مامقصــود
وانت بصلافة عيـــن تأذينـــي
داريني بكلامك لا تلجم جروح
ولاتحط ملح بجروحي تجويني
انه ردتك عشك بالشعر مكتوب
ماردتك جرح يترس دواويــني
كتلك راح ارسم البسمه بشفاك
بس ماكتلك دم هســـه بجيـــيني
ربيتك طفل بحضاني تكبر دوم
كلت بـــاجر من اكبر يـــداريني
ومن تكبر تتكبر علــيه شلــون
وتنكر وياك كل تعبي وسنيني
عاملتك بطيب لاتنكر المعروف
ولا هسه بكذب تكعد تجازيني
اسمــع مني وافتــهم ارجــوك
انه كلت احبك ماكلت أاذينــي
خلص ارحل هسه الله ويــاك
روح بعيد والوحدي خليـــيني

 

[mohammed.shams]

‏الــ روح روحــي
وبطلــت والويــت اذنهــا

شــرد اگــلك
يا حــزنهــا.

 

[mohammed.shams]

‏غثني ورضيت ابهاي شوف المصيبه..حط رمحه وسط اچلاي ويگلي جيبه..

 

[mohammed.shams]

وهذا اخر حمد بالروح

اذا تردوني ، غنولي !

 

[mohammed.shams]

شَحوالكُم ..

فَر مني اَمس زاجِل ضوة شودالكُم


فَر مني اَمس داخِل حَسن

هنا يمن چِنا وچِنت غنّالكُم '

 

[mohammed.shams]

‏وشـردنه منك

رايدينك بس تجينه


ونترس دروبك هلا ''

 

[mohammed.shams]

‏وإذا تعبان !

شگ الغيم ، دورّني

ترا البي شوگ بي هِمه ..

 

[mohammed.shams]

‏آنه شرايده من الله ؟

غير انت وكمر مثلك ،

ونتعارك صدك ع النوم

ياهو اليستحق حضنك.

 

[mohammed.shams]

روحيِّ يسّمر ،

روحيِّ بين چفوفكَ الترفات دفتر ،

أقرانيِّ من تغتاض يسّمر