أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ما كتلي الروايه باخرها مبتور
جا بأول مشاهد ما نشديت
لو ادري اليظل ممنوع مرغوب
لا رخصت روحي ولا نذليت

 

[mohammed.shams]

امّي تعودت توگفلي بالباب
وتزرع عينها بكل الشوارع

امي بهذا عمري وتسأل الناس
تگلهم مالگيتوا وليد ضايع ؟؟؟

 

[mohammed.shams]

المثلك ايحس بيه عيب اشكيلك
بلايه ماصيح بگفاك دخيلك
عليك داير خلگي گد مابيه حيل !
وانته داير خلگك بكد حيلك

 

[mohammed.shams]

‏ضعت لا سالفة ولا راي..
والنهران الـ بروحي شربها فراگهم بهداي
مابيّه وجه ينشاف..

انا مثل السما لوني ويه لون الماي

 

[mohammed.shams]

لو عِفِت گطرة ندا اعله الجام؟..
لو گتلي
نِجي .....
چا تنيت،
چا عزفتك صبا بروحي،
والصبا بروحي شَجي ..
چا عفت شباچي دنيا،
دنيا
كلما يشتعل عام بضلعها،
تلوچ جمره
وترتجي ....
لو عفت گطرة ندا بخدّي،
بچيت ..
وشلتك بتنّوري دنيا،
دنيا،
وسگوفي شمع
والليل
بيت

 

[mohammed.shams]

وبگت مدفونه
بعيوني محاچي هواي



لــِ ذياب گزار

 

[mohammed.shams]

‏اخذني
بكلشي مابيعك
اخذني من التعب يمك

جگاره ..
بجفك اشعلني اموت بسد اصابيعك
اخذني وياك من عندي
اخذني
لـ أي حلم ارتاح مو شرط بحلم وردي!

 

[mohammed.shams]

جرس عطله ..!مالَه أحٌد شغُل بيه..

حيل أدكَ نوبات وحدي
أبجي وحدي .. أحجي وحدي !
آخذ المدرسه عُرض إبطول وحدي
أطفه وحدي بلايه أحٌد .. و أشتعل

 

[mohammed.shams]

ضحكة وحده زغيره منـك تسگي
لوني



احمد المرشدي

 

[mohammed.shams]

مشتاقلك حيّل وعلي .. بس چنك مضيعني !