أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ماع گلبي لشوفتَك شوفة حَرير
وجيت بجناج ألرفيف لطَعم نارك.
بيهَ لهفه بگد غَياري.
وبيك شوگ بگد غيارَك..

 

[mohammed.shams]

..
عيونك ..
هودج
وسيفين
ومخازر خيم
وضعون
وطرب واصل لحد الله

 

[mohammed.shams]

يحجون بكفاي وبالوجه خرسان
اليتمنوني بس كون احاجيهم
انه نسمة شمال وهمه غركانين
هسه بكيفي امرهم وما أمر بيهم
ظلت يمي بس احسلهم يموتون
الينطون بربعهم زحمه اخليهم

 

[mohammed.shams]

لا تحط گلبك
على الصوبين كل وصله بكـتر
وتگول اريدك



لــِ عريان السيد

 

[mohammed.shams]

منو مثلي انظلم ونكره ونحاب
ثلج ونحا سموم الصيف ونحاب
وعلي مذكر ضحكتك ذيج ونحاب
شرط تسمع صفير كبور بيه

 

[mohammed.shams]

يومي بدونَك بيه نقص ولفين مَيكملونه .

 

[mohammed.shams]

ابسَچينه ادچ الروح واگطع خَبرهه ..
صارلهه اهواي عايشه من فَلك طَرهه ..

 

[mohammed.shams]

1. سوي نفسك ما شفتهم
   ‏امشي كابر لا تطيح
   
   ‏ابتسم والخنكه ضمهـه
   ‏ابتعد وهناك صيح

   
   
   
   

 

[mohammed.shams]

أمشي بدرب مو درب
بي ضيعت وِنستي
وضيعت مَدري شنو
هاا أعتقد ضحكتي
بس گِلت بالله العوض
عديت ربعي الـ وفو
بالخُنصر وخَلصو
ضميت أديه وصِحت
يا بـويه يا فَـشلتي

 

[mohammed.shams]

المالهم عرفة بغلاتك
لا تدليهم عليك
المالهم نگشة بسمارك
عوفهم وانفض اديك

قاسم بخيت