أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

خل اظلن مختنگ جيرة بهواك
هوه شمبچي الشمع غير الهوه !!

 

[mohammed.shams]

الليلة بلا احــــبك نامــت العين
مِترِبه محومرة ومتروسة دخان

كاظم الحولاوي

 

[mohammed.shams]

عـمرك فات
ليلك ماهـو مثل الليل
ظلـمه ولا الك نـجمات
لا واحـد يـغنيـلك
ولا شـباچ من يقرأ الـنسيم الـبيك يـوميلك

جواد زغير

 

[mohammed.shams]

بعد شلحگ
جزة النيسان والمالحگ مايلحگ
ولا بيدي رسن دنياي
والوي اعنانها وتسحگ

كريم الجسار

 

[mohammed.shams]

اگرب اگرب غني بيه ولا تسافر
للبعد ما بيه أصيح

فاطمة الـــصالحي

 

[mohammed.shams]

ضايعين
لا فرح يندل دربنا
ولا حزن فك ياخه عنه

محمد السفير

 

[mohammed.shams]

انا ما ردتك تضيع
وتعتگ بعيني الرسالة وتنتهي
ردتك ولاية لغربتي
منين مرّ بيك الضباب وتيهتني

 

[mohammed.shams]

نذرنالك تجي وندعيـلك تعود
وعمت سچينه وشَيب نذرنـه

 

[mohammed.shams]

وانه هاوي..
وانه خاوي..
وانه جاهل..
باع عمره ويه التتن
بين الگهاوي

عامِر عاصي

 

[mohammed.shams]

چنت اگلك عودت كلشي
اعله بابك لا تسافر
المن تعوف الطيور
التغبش ترتب شجرتك
عودتنة نحب ضحكتك