أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يكولون العشكـ من نضرات العيون
وآنه بلا عيوني شلون حبيتك!!
يعني الفلاسفه بالحب ترا انغشوا بيك
وصرت آنه الفيلسوف بيوم لاكيتك

 

[mohammed.shams]

عليك العين تبجي ليل ونهار
واكلهه اشعطلج شو ما بجيتي
يوصي اهله بجهاله الرايد ايموت
وبس اسمك لكو اهلي بوصيتي

 

[mohammed.shams]

اريد اكتبك قصيدة وكون تسمعني
وشوف اشكد عشك شايل وتكتبني
قصيدة بس الك وأخفيها عن كلبك
بس يمك أجي ويمك اسمعه تجويني

 

[mohammed.shams]

ماريد الفرح ..
ماريد الفرح خلي الفرح مركون...
لان حته الفرح نزل دمع لعيون ...
شجالك يادمع لازك بجفني شبيك ..
حته رموشي صارن كل وقت يبجون ..
صار الحزن ضلي وباقي يمشي وياي ..
چن اخوه بطريق اثنينهم يمشون ..
وحاجيت الفرح رايد يمرني بيوم ..
گلي اصبر اجيلك انتضر وتهون ..
وانا كاعد اناطر جيته اعد اسنين..
اجت بس صفنته وردت عكل مجنون ..
اصبر بالدمع لكن يهل بساع ..
واعاين عالشماته بحالتي يفرحون ..
مناجلهم تحد يم ركبة الشفتين ..
لظحكاتي تعنوا .. كاموا يحصدون ..
صدكوني تعبت من الدمع ياناس ..
ومن كثر البجي اني كرهت لجفون..
واذا رايد تجيني بعيني تملي دموع ..
ظل انت بمكانك وانه لك ممنون

 

[mohammed.shams]

عليمن شفت نفسك كثرو الحبوك
يــل بــايع ثكــل ويــاي لا تــنغـر
مــنو كــلك جــبير وتتــرس عيون
النجم شما عله بعين البشر يصغر
.

 

[mohammed.shams]

ياهي التصح منك ما نرجعها
روحي معلعلة وما صدكت تلكاك
صدك حتى أذيتك يعني تنفعها
نور النور نورك جاشعل الملكاك

 

[mohammed.shams]

عشر مترات مني شارد شبيك
ولك بوسه ردت مو ضربه حره

 

[mohammed.shams]

فرح مامش بعد بجفاك ضعفان..
وعذابك بالكلب مو ضعف ضعفان .
لون تنشد علية شبيك ضعفان..
أكول أفراك وجهك عم علية.

 

[mohammed.shams]

عــلـــــــي أحتـــــــــار أرد أصنفــــــــــــك ويــــــن أخليـــــــــك ؟
أحسبـــــــــك عـالملــــــــــــــوك؟ أعلــــى المســــــاكيـــــــن ؟
علــــــــي بـــــــس أبــــزمـــانـــك تنـــــوجـــــــــــد هـــــــــاي
بـــــــاب الأرمــــــــــــــــله أتطـــــــــــرقـــه الســــلاطيـــــــــن

 

[mohammed.shams]

بجيت انه وشسولفلك عله بجاي
أول مانزل بدموعي جبدي ..
وعمت هايه لأن مالحكت بهاي
وتسودن دمعي جي ماحرك خدي