أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

الشهيد يگگول
ها يربعي سولفولي اخباركم
هذا اول عيد ماكو انه وياكم
فدوه عذروني اذا اذيتكم
بهذا عيد الله شكثر بجيتكم
وين الله وبححلم الكاكم
....
قبل تتذكرون من ججنه سوة
نطلع ونكشخ ويحسدنه الهوى
هسه شوكي او لهفتي تحاجيكم
عالباب المكبره متانيكم

 

[mohammed.shams]

- مدِري بيمـن ملتهِي ،
وماعايدتني !

؛

 

[mohammed.shams]

يديرة مغربية منين ماصدلچ وكت ضايع

 

[mohammed.shams]

والله من احن وشتاك الكم يمحبوب
جن حادي سار بليل ومضيع الدروب

 

[mohammed.shams]

يمن وجهك مزار ونذر مطلوب
أريد اشبك عليك وأصرخ دخيل

 

[mohammed.shams]

خذني بغصب بفصول وانه شبديه
بلكت يلكفه البين ونرد سويه

 

[mohammed.shams]

هــــــم
تدري شيحس ‏الگلب‬
لمن يريد اعـــزازه

 

[mohammed.shams]

فقير وأملك من الله. . . نخلتين
و نخلني العوز مو نخله. . نخلتين
أراضي الناس مزروعه. . نخل تين
وأنه دونم قهر مزروع بيه.

 

[mohammed.shams]

أنه دمعة حزن ممزوجه أبدمعكم ...
وأنه وردة عشگ مشتوله أبدربكم ...
وأنه شجره بورگة أغصاني أظمكم ...
وأنه خيط وأشتعل نار أبشمعكم ...
أنتم أطفالي وحبايب وأنه أحبكم ...

 

[mohammed.shams]

شمروني لاحبهم شمرت اجكليت لان طبعي حلو ماغزرت بيهم..