أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

محتاج صـرخه گلـب من ناسي احس مختــنگ
الضحك كله جــذب
والدمـع كله صــدك
شايل خـلگ للـبـجــي
بس دمعي مـاله خـلگ
وگليبي كلش تـعـب
ماله واهـس يـدگ

 

[mohammed.shams]

زرعت الروح ورده بحبك من سنين
چنت أذبل وأموت وأنت تحييني
رويت أيام عمري من الحنان البيك
وأحس دمعات عينك هي ترويني
ليش سنين عمري حلوه بس وياك
ﻷن أصلك عسل وأنت تحليني

 

[mohammed.shams]

مــدري ويــــن
يــاخذنـي صـدى الصفنــات
ويذبني بـ درب مهجــور
ويشممـني دغــل مــو يــاس
ويقنعنـي الجكَــارة بـخــور !

 

[mohammed.shams]

زعلان موبس زعل صدكني جاي اختنك

ومحتار شكتب الك وبناري گمت احترگ

تدريني احبك ولك والله احبك صدﮔ

وكدما احبك صرت بظلوعي احسك تدگ

ولاموني بمحبتك شگد عندي ﮔالو خلگ

شايل مشاعر الك واشواگ مو بس عشگ

وكالو طريقك صعب ﭼم باب رايد تدگ
خل روحي تطلع صحت بس لاصدگ نفترگ

 

[mohammed.shams]

بريحة هيل
لتـفوحيـن
نـاس تغـار
مـثلج بالسـلف مـا نازله ابنـيه

 

[mohammed.shams]

بسواد الليل
تتلملم حمامات الحزن بيه
ومصابيح المدينة تموت

 

[mohammed.shams]

مثلث بالوجه ويدور ألحلوات ...
ويريد ألجمال ورافع ألياخه ...
يمعود دخيلك لاتفيك عاد ....
روح ألعب بعيد وشيل نفاخه

 

[mohammed.shams]

ورايت حلما انني ودعتهم...
فبكيت من الم الحنين وهم معي...
مر عليه بان اودع زائر...
كيف اللذين حملتهم في اضلعي

 

[mohammed.shams]

بعد مابيه أسهر وابقه طول ألليل ...
راح ألحيل كله وتعبن أعيوني ...
ختيرنه يعالم وألشعر بس شيب ...
ما أنهض أذا ماصيح گوموني ...

 

[mohammed.shams]

جفني ماغمض لليوم ...مانام
وعليك أبكل نميمه أبد ...مانام
تنكرني يخايب ليش؟... مانام ........(مانه أم)
ألوليلك چنت بثنين أديه