أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

دَ حن ليه..
اسيرلك گمر بس اشتهيني
هلال..
وأجيبلك شمس كانون عيديه

 

[mohammed.shams]

لا تزحف زحف ربك خالق الرجلين
كوم امشي على طولك ليش تتختل
امشي بالنهار وعوف ممشى اليل
بعدك زغيروني لايطلعلك الطنطل
شجابك للظلام وانت ربات انترنيت
اذا جالك مسج من صوته تتخبل
اخذها نصيحه من مجرب وتعبان
يجيك الحـــــلو برجليه بس تثكل
واذا تبقى خفيف اتطيرك النفخات
حط طابوكة اخوي وكوم واتمندل
واذاعندك رخاوةعظم كص رجليك
حتى ميكولون عنك زاحف وتخجل
اهتم بشجرتك ولتباوع لجوز الناس
هـــواي اشجار غير الجوز ومدعبل

 

[mohammed.shams]

ياجمار خـــــدك يشبع الجوعان
انا الجوعان والمشتهي جمارك
يانظرات عينك ترشد الحيران
انا الحـــيران واتامل باانظارك
ياشفة عسل يارﮔبة المرجان
يالمعة استبرق تضوي اكتارك
ياليل الشعر ليلة شتا بكانون
ياعاصفة (----)يرهب اعصارك
ياعطر الورد يانكــــهة التفاح
يابســـمة دلال بوجه خطارك
مانعني الخجل مااكتب الافكار
لو اكتـــب تلوذ بسدك افكارك

 

[mohammed.shams]

1. ماحنيت الي. ...هاااا مابعد تشتاگ
   ما تذكر الماضي لو خلص عفته
   گلبك مايسالك صاحبك وين
   لو كلش نسيته ومابعد ردته
   ماتقره الرسائل والشوگ
   لو حته جهازك بلحظه غيرته
   ماتندل المكان ال چنه نكعد بيه
   يوميه اني اشوفه. ..يگلي ماشفته
   اندلك تره. ..واعرف اجيك منين
   بس ماراح اجيك الوكت اجلته
   موهيچ اني اجيك وگلبي كله جروح
   واگلك فدوة ردلي الزعل طولته
   لأن ال بيناتنا مو زعل حب سنين
   وانت بلحظةضعف ياوسفه ضيعته

   
   
   
   

 

[mohammed.shams]

يبعد الـروح انت وبعد هـاي وهــاي
امل الناس كلها وانتـه ما ملـــك
ابوس عيونك انه ما ابــوسن شفـــاك
لان بعيونك انـه اتخيلك كلـــك
وماي عيونك الحلـوات هذا منيـــن
يمكن ربنه من زمـزم يگطـرلـــك
لو طولك حبيبي شلــون اوصفه شلون
اذا حتى الخيزران يغـار مـن طولـك
اريدك يالولف تسكن بهاي الـــروح
وما تطلع بعد لك بالگلـب خلــك
اخاف عليك يمعود دخيلك لا تصيبك عين
وعساها بالعمه عين التصيبــــك
اقسملك قسـم بالانــزل القـــران
اعوف اهلي وصحبتي وابد مااعوفنـك

 

[mohammed.shams]

هيه لو بالكيف جا كتلك نسيت

 

[mohammed.shams]

هيه لو بالكيف جا كتلك نسيت

 

[mohammed.shams]

هيه لو بالكيف جا كتلك نسيت

 

[mohammed.shams]

1. الما #يحس .....بولفه من يصفن عليه ؟ لايفك #شباج ..... ويتاني #الهوى ....!

   
   
   
   

 

[mohammed.shams]

شكو بيه قديم يريدك تشمه
وشكو بيه جديد يريد يلبس لك
شضم عنك ؟
بعدك تفتر بروحي
ومامش باب ينسد لك

زيد الهاجري