أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

أذا متفيد لتضر وبقه بس نار ...
ماريدك تجيني أتصير دخان ...
تره المابيه حميه أشلون تنخاه ...
وضميرك يقبل أمن تگله جوعان ...

 

[mohammed.shams]

بدايات ألنهايه أبعينك أتصير ...
قبل كلشي أبحياتي وبعد كلشي ...
لو أدري ألحلم يجمعني وياك ...
أغمض أعيوني حته أتبوس رمشي ...

 

[mohammed.shams]

فرق مابين شاعر ينزف أحساس ...
وترك بصمه أعله كل مقطع قصيده ...
وأخر ماعرف يكتبله بيتين ...
وطلع رسمه أعله كل صفحه جريده ...

 

[mohammed.shams]

مد أيدك علي لتگلي مالوح ...
ألكرامات ألبديك أطيب أجروح ...
خدرانه ألشفايف سولفت بيك ...
وحس كل كلمه تطلع تاخذ ألروح ...

 

[mohammed.shams]

صعب تطفي أبسعفه نار ...
وتنگل أبكاغد جمر ...
صعب تطفر نهر ذله ...
وتعبر أمدنگ جسر ...

 

[mohammed.shams]

خافوا لا أجيك وتلتقي أوياي ...
خلوا علي عين أيراقب أنفاسي ...
صح گصوا أديه وما وصلت ألباب ...
بس صوتي وصل ... مو مهم راسي ...

 

[mohammed.shams]

مرات ألجرح يهوه ألسچاچين ...
وعله دم ألنزف يبچي أبحراره ...
وأكثر من هذني وگلبي مامات ...
لأن خلگي أبكبر عمر ألحضاره ...

 

[mohammed.shams]

قبلة ألجبهه حنان ...
وقبلة ألخد عاطفه ...
وبوسة ألأيد أحترام ...
وبوسة ألشفه صفه ...

 

[mohammed.shams]

لو نفرض ألدنيا أبدون حواء ...
وألعالم عبث وألشهوه للكاس ...
لو نفرض أديك أتصير رجليك ...
وتمشي أبعكس ضلك ونته بس راس ...
أشتتوقع زمان ألجاي شيصير ...
ونته أتشوف خشبه أطبر أبفاس ...

 

[mohammed.shams]

1. لتصدگ أجيك وگلبي زعلان ...
   لا .. هاي أستحاله وما أسويهه ...
   أله أعيوني تعمه وبيهه ماشوف ...
   ساعتهه ألدمع يمكن أيدليهه ...