أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يــــا طعـم ... يـا ليـلة من ليـل البنفســج
يـاحـلم ...يـمـامش بمـامـش
طـبـع كََـلـبي مـن اطـبـاعك ذهـــــب
تـرخص .. وأغـلـّيـك ...... وأحـبــــّـك
آنا متـعـوّد عليـك هــواي...يا سـولة
بسكـتـّي
يـا طـواريــّك ... من الظلـمــة تجــيــني
جـانـن ثـيـابي علي غـربـة كَــبل جـيـتك
ومـسـتاحـش لعيـونــي
وألـّـمتـني....

 

[mohammed.shams]

وعـلى المـامـش ..عـلـّمتـني..
آنـا حـب هـوايـه كَــبـلك ذ وّبــاني.
إشـلـون أوصـفــك .. وانـت كـهـرب.
وآنـا كَـمرة عيـني.. دمـعـة ليـل ظـلـمـة!
إشـلـون أوصـفـك ..!!
وانـت دفتر
وآنـي جـلمـه.........!!

 

[mohammed.shams]

يـلـّي.. مـاجـاسك فكـر بالليــل ومجاسك سـهـر
يـلـّـي بين حـواجـبـك ..غـفـوة نـهـــــــــــــــــر
يـلـّي جـرّة سمــــا بعـينـك
خــاف أفـززهــا من أكَـلـّك
آنـــا احـبـّــك
آنــا احـبـّـــك
مـامـش بمـامـش....ويلـمامش.........
يـمـيزان الـذهـب ....وأدغـش واحـبــّـك
وارد أكّــلـّك...
فـرنـي حـسـنـك ............ يـابنـفـسـج
وانـتَ وحـدك... دوّخـتني .. يـابنفـسج

 

[mohammed.shams]

وعـلى حـبـّك.. آنـا حـبيـّت الـذي بحـبـهم لـمتـني
يـاطعـم .... يـاليلـة من ليل البنفــسج
يـا عـذر عـذرين.
. يـاشنهي واحـبـّك


لمدرسة الشعر والشعراء
النواب

 

[mohammed.shams]

وانا ليش امناطرك ؟
فضها وتعااااال يبس حيلي وخاف اگومن وانكسر..

 

[mohammed.shams]

ما محتاج
بس يا ريت
هي تكـون محتاجة

 

[mohammed.shams]

آمر ابالها .. وتحتار
مثل الضيعت حاجة


ركزي بصورتي اترجاچ
أحچي اوياچ
حيل اهواچ
اذا للصوت مامش باب
بالنظرات نتحاچة

 

[mohammed.shams]

ياخوخ يازردالي
بذات مالك تالي
داريتك ومن حومرت
صار الجني لعذالي
ياوسفة يازردالي
ياخوخ لاجلك ساهرت ودموعي لهروشك سكت
برعمﭼـنت واتنطرك ومتاني واحسب كل وكت

 

[mohammed.shams]

وزرعتك بين النخل
كرصة برد
لاحر ضكت
واتمرجحت نسمات غضة وع الخلك عنبر فحت
ياخوخ موش انا اتعبت
وتلوعت
وتمرمرت
ياوسفة يازردالي
ياخوخ لاجلك عاشرت كل الطيور وصادكت
خايف جنح عصفور يهدل غصنك ويمك نمت
باريتك بكيض وشته
لمّا كبرت وتحمرت

 

[mohammed.shams]

حتى الفراشة لو تلامس وردتك بيها صحت
ياخوخ موش انه تعبت
وتلوعت
وتمرمرت
ياحيف يازردالي
بذات مالك تالي

الشاعر زامل سعيد فتاح