أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

قلبي ما فرح كقبك ولا سار ولا جذمي ماخطي الغيرك ولا سار اخبرك ما بقت جلمه ولاسار فضحني الدمع من غصبن عليه

 

[mohammed.shams]

مشيت وياه للمكَيَّر أودعنه

مشيت وكل كتر مني

إنهدم بالحسرة والونه

وعلى الرملة …

وبضوة الكَمرة

يناشدني وأنشدنه

 

[mohammed.shams]

بعد لَتظن

تحايلني المودة وليك روحي اتحن

وبعد لتظن

تكَاوي مشتتاتي

وبيك بس أصفن

وأبد لتظن

يضوكَ الدمع عيني

ويطفح المجمن

مالازم فرح

كون اليحب مذلول

وبشوفة عيونك عل يحبها اتمن

انا بروحي اليتم من لحظة الميلاد

وشيكلف اليتيم الحزن من يحزن ؟

سكَتني أول محبه

الكاس تلو الكاس

مر ، وتفننت أتفنن

وَنّت

ما قصرّت ، يا بخت هاي الروح

ابسكَاي المر . ترف مترهدن اترهدن

وأنه امباري ويه طولك خاف من لا خاف

تدفه بلهيبي

وآنه أطكَ سن بسن

ومذاير . حمامه وذيراها الباز

ومذيّر الباز . إبيا كتر يَمّن ؟

كفّت لا ملامة ، ولاضحج شمات

ولا كَال وكَلت ، وازماط وتمسكن

اهي كَطعة نفس لو رفسة المذبوح

والمذبوح

رفسه ومن بعد يسكن

عريان السيد خلف

 

[mohammed.shams]

من معلقات عريان السيد خلف

بعد بيّه الصبر واجد

يشب بيدي المكابر . نار تلهم باث

يكَضيني الشرار وطبعي أضل بارد

أزم شفّه اعله شفه

وناب يخلف ناب

كل واحد شكل ، وصوابهن واحد

مكَالب ، والليالي تريد وَسعة بال

وهموم العَلَي ما مرّن ابواحد

كفاني اترفعت عن جلمة الياحيف

وسهمي اشمانكَض ، من هالوكت زايد

أكابر عالنزف

حدّ وشلة النتّاك

دامَنته وجزت . لا جَبِّر ولا شِد

كَبل مهره احلامي

تضل باثرها الخيل

هسه إشما اعسها . امحدّده اتحِدّدد

ومشاجج زماني وياي

عين ابعين

اتمهمز الكَومه ، وصاح بيّه إكَعد

حجّرني الصبر . لا سَمِح لا مغتاض

حالي لحالتي . لا وادِد . ولا ضِد

لا مَلكَه اليدب بالروح

دَفكَة روح

ولا عصرة حزن للراد عني إيصد

خلها إشما تصح . خنياب لو صيهود

طيّبت النفس .

لا طيّر . ولا سِد .

لا طيب الحليب

إيحرّك الوجدان

ولا صاحب وفي

العند الضنك ينشد

بس مجمع عجارب . ويل للغفلان

تتناوبه ابسمها وبالعجل تلبد

صحبة ليل كاس

وكهكهة غُمّان

محاببهم جذب ومزاحهم بارد

عمت عين الليالي

وهجم بيت الموت

يتخطى الرعيع وياخذ الماجد

دنيه ولاوَحَتني . املامح السرحان

غشّتني ابهداها وباكَت الواحد

وبعد بيّه الصبر واجد . اضل الهَلعصر شاهد

واصفهم بالقصايد واحد الواحد

واطشرهم وَلَمهم واحسب الف حساب

وَنّكَي الثوب الابيض من ردي الفاسد

 

[mohammed.shams]

فوتي ..!
هسه براحتج
ماصد عليج
الله مايقبل .....!
لان مومالتي ..

 

[mohammed.shams]

فوتي ..!
هسه براحتج
ماصد عليج
الله مايقبل .....!
لان مومالتي ..

 

[mohammed.shams]

فوتي ..!
هسه براحتج
ماصد عليج
الله مايقبل .....!
لان مومالتي ..

 

[mohammed.shams]

خل روحك بعز دوم بالك تذالها
ولاتطلب الحاجات الا من اهلها

 

[mohammed.shams]

فقيرة و أملك من الله... نخلتين
و نخلني القهر مو نخلة . نخلتين
أراضي الناس مزروعة.. نخل تين
و انه دونم قهر مزروع بيه.

 

[mohammed.shams]

ألم عيوني من طيفك..
وأرد أشتاگلك سكته ...