أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

مامش بعد خوان ترضي الكلافه
بس بالنفاهه ايصير واحدهم افه

 

[mohammed.shams]

شفتهه وظل رسمهة يدور بالبال
وحفظت الوصف كلة بنص دقيقه
جميلة عين هية وشَعر شلال
ومن تحجي بلطف جداً رقيقه
شفايفه عسل وخدودهة ورود...
إشلون أدخل گلبهة بأي طريقه
وگفت يمهة وحجت وياية لحظات
نسيت آنة بحلم.... لو بالحقيقه
نظرتهة سحر وعيونه وساع
مثل موج البحر.... يلمع بريقه
غزالة ودوخت عشرين صياد
بطول القامة والخطوة الرشيقه
ومن شمت عطرهه تطير الأذهان
وتذوب الگلوب فدوة للأنيقه ،،

 

[mohammed.shams]

اعمی بخرابة وتاه وانت اخرس وياه
شتگلة لو حسيت حية اعلة علباه

جواب

اخرس وﮔع بالماي واشر بصبعه
عالجرف بس عميان ياهو اليطلعه

جواب

ايكظها بيده البيه غيره عله الوياه
لويلدغ ويموت لو يحمي مكفاه

 

[mohammed.shams]

عليك الله #تعال ..
حتى لو لحظه #بخيال..
اني هلكد ما #اذكرك
مابقه ابالي #مجااال

 

[mohammed.shams]

دريـت‬
وگالوا اسكت لاتحاچيهم
ترى الضنيت بيهم خير
لا کل خير مابيهـم

م

 

[mohammed.shams]

شبيــها روحي ؟؟
من يمر طاريك ترجف ...
جنــها طير ..
مبـلل ....
وفاكــد .. دفــــو

 

[mohammed.shams]

راحة القلب في قله الاهتمام...
عذرا يا علي اهتمينه بيهم حيل

 

[mohammed.shams]

اهنا يمن چنه وچنت
جينه وگعدنه ابابك

 

[mohammed.shams]

مر بية نهر عطشان الك موت
يمته جروفي يرون بيك يمته
ماطاب الجرح لتشوفه ملموم
من كد الألم عظ اعله شفته

 

[mohammed.shams]

بجه بيتي بغيابك والدمع طابوك
يعني اني بغيابك انهجم بيتي