أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

خافوا لا أجيك وتلتقي أوياي ...
خلوا علي عين أيراقب أنفاسي ...
صح گصوا أديه وما وصلت ألباب ...
بس صوتي وصل ... مو مهم راسي ...

 

[mohammed.shams]

شفت منظر غريب ولمه للناس ...
ولو چان ألوضع لحظتهه حساس ...
شايب شايل أبنه أبچيس مذبوح ...
ويصيح شلع من يشتري ألراس ...

 

[mohammed.shams]

من أقرب صديق أتحذر أيخون ...
من أبعد شخص أتأمل أنسان ...
كل هذا أمن ألشوف ألصدگ مذلول ...
مالوم ألچذب لو صار أبو ألسان ...

 

[mohammed.shams]

بيش أرثيك .. وأني أبكل كتر مني أحسن بيك ...
بيش أرثيك .. كون أدري ألدموع أتفيد دم أبچيك ...
ماگولن رحت ونته أبضميري أتعيش ...
ولا ..ممكن أصدگ وحدك أمخليك ...
يا أطيب گلب وألبيت فارغ ليش !!...
ظل بس ألصور من تصفن أتحاچيك ...
وين ألگيك ؟؟؟
ونته أبعيد عني وبالگبر ظليت ...
وأخر حرف من أسمك بقه أمتانيك ...

 

[mohammed.shams]

1. معروف ألحبل يستخدم وبيش ...
   بس عدنه ألحبل للمشنقه أنعلگه ...
   لذالك لمن أمي أتشر ألهدوم ...
   تطلع بالملابس شفنه حرگه ...

   
   
   

 

[mohammed.shams]

شنطانه ألوطن وحنه أبتوابيت ...
شنطانه وطلب من عدنه حكمه ...
أشو حصتنه صارت بس طواغيت ...
وقيامه أعله الأرض يوميه نلگه ...

 

[mohammed.shams]

سهران وأبد ماشفت طعم ألنوم ...
لأن مهموم گلبي وعايش أبحيره ...
بسك يازمن خليني مره أرتاح ...
شيصير ألبشر لو زاد تفكيره ...

 

[mohammed.shams]

دايخ بالزمن وألچاره مدري أشلون ...
فديتك يافهد لمن أتغنيهه ...
موال ألحزن صدگوني ياهلناس ...
بلسم للجروح ألچنت خافيهه ...

 

[mohammed.shams]

شكراً يازمن وأني ألك ممنون ...
عصفور بره ألقفص وأنه أبسجن مسجون ...
ألدنيا تفتر عكس ويه ألأصيل أتخون ...
والنذل عايش منسعد !!! بس والله كلهه أتهون ...

 

[mohammed.shams]

أني من أحچي أسولفلك يقين ...
لا ألف ولا أدور ولا ألح ...
ألزين زين أشما يذم بيه ألكلام ...
وألرذيل أيظل رذيل أشما يغطيه ألمدح ...