أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يا أول درس كان أبحياتي ودوم ....
أكتبنك يدار ودار ماشفنه ....
مو قصدي ألكتب لو دون ألكلمات ...
بس حال ألفقير أشلون بالمحنه ...؟؟؟؟؟؟

 

[mohammed.shams]

1. خليني أشوفك يافرح بالطيف ...
   لو زحمه عليك أبحلم ماشوفك ...
   نسيتك يافرح وألحزن بيه أهواي ...
   بعد شتفيد منك لمسة أچفوفك ...
   عشت عمري حزين وگلبي صاير نار ...
   ماريدك بعد ماريد معروفك ...
   ليلي وألدمع والقهر والحسبات ...
   قطعه أتصير مني ولازم أنعوفك ...
   بس لازم أذكرك يافرح مجبور ...
   ماتكمل قصيده وناقصه أحروفك ...

   
   
   
   

 

[mohammed.shams]

ياريت ألمحبه أتسود بين ألناس ...
ونعوف ألمشاكل وبسعاده أنعيش ...
عراقيين أحنه وجسم واحد دوم ...
أبد ماريد أسمع كلمة ألتهميش ...
خلونه نتكاتف أيد وحده أنصير ...
ونعمر بلدنه ألعاش بس تفليش ...
ألك ثقلك عراق وكلهم أيعرفون ...
مو مثل ألبعض يمتلك وزن ألريش ...

 

[mohammed.shams]

أنته ورده وعايشه أبجو ألربيع ...
وأنته شمعه وضاويه أبليل ألصقيع ...
وأنته عمري ألمارضه فد يوم أبيع ...
وأنته كلك ذوق ياذوق ألرفيع ...

 

[mohammed.shams]

گلبي مانكر وياك .... وده
حنين وقطعه منه أتكون ...وده
خبر منك يبعد ألروح ...... وده
عزيز وغيبتك تصعب عليه

 

[mohammed.shams]

أهمومي من ألحزن صارن ... تلالي
وأحس ألدمعه بعيوني .... تلالي
قصيده أعله ألحزن شامت ... تلالي
قراهه وزيد ألنيران بيه

 

[mohammed.shams]

دهر فرك يخايب ليش عني أتروح ؟؟؟
منك أيست مابيك كل جيه ...

 

[mohammed.shams]

دهر فرك يخايب ليش عني أتروح ؟؟؟
ولا فد يوم شفتك صادق ألنيه .

 

[mohammed.shams]

دهر فرك يخايب ليش عني أتروح ؟؟؟
أريدك تندعم وبليله گمريه

 

[mohammed.shams]

دهر فرك يخايب ليش عني أتروح ؟؟؟
شفت غيري وعفتني وأگطعت بيه ...