أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

بعدني ... اويه الطراد ابأول ... المركاض
ولسه امكَذلات اهل الهوى .... ايمرحن
وبعدني اويه الخواطر والعيـــون اصـحاب
وارشفهن ... امراشف .... لحد مايـرون
انه ابن البارحـه وذنـي السنين امنين؟
مــو عمـري الـسنين ... ولا علـي مـرّن
ماني ويه الوكت بحساب اخذ لو هـات
انه اوياه بـطلايب .......... بعـد مــا فلّن
انه عود العرّنـدس من تــعظنـي النـــار
البطرف الفلاة من الجـرب ..... يصحن

 

[mohammed.shams]

صرت ما شوف بعيوني بعدكم,,,,,,,وحسافه الزمن من يمي بعد كم„„„„„„„اريد اسال تحبوني بعدكم ;;;;;;; اخاف والله البعد غيركم عليه

 

[mohammed.shams]

عساه بذمتك راح اترك النوم
اذا ماريد اشوفك يعني مانام
حسرة علية اغمض جفني لحظات
كبل يم بابكم تاخذني الاحلام
دكلي بغيرتك هم تقبل بهاي
عن طبكت جفنهه عيوني صيام
طحت يمك دخيلك راسي مطلوب
بمحكمة الشماتة اتحاكم اعدام
صدك ظميتني بس للاسف وين
على درب الشماتة بقفص من جام
الحمداللة عرفت شبيك مابيك
وميزت الحقائق عن الاوهام
كبل جنت من عوفك ظرف لحظات
كل لحظة التمر تنعد بالف عام
بس وداعتك هسة الوضع غير
تمرني سنين هجرك جنهن ايام

 

[mohammed.shams]

قطار الشوگ فاتاني …… وراحل
اشد حيلي ربع ساعة … وراه احل
راح الحيل والملگة … .. وراح الــ
ــــهوى وضليت چن تمثال أميه

 

[mohammed.shams]

ردت منك سبب بي اقنع الروح
تتسائل عليمن ظيعتهه
الغشيمة المشتريتك بعلى الاسعار
على ماذا ولمن خايب بعتهه
اكولن ماجيك وكاطع وياك
عتبت داركم جا حلفتهه
من كد ماعليهن رايح وجاي
الك روس الشوارع كسرتهه
ومن كد مابابك واكف سنين
ارسومي بابك انطبعت شفتهه
لكيتك تستلذ لو دمعتي طيح
عصرت عيوني يمك وشلتهه
شفت دموعي خلصت بيش اسليك
طلبت عيون جيراني وجبتهه

 

[mohammed.shams]

تبدى الصبر من عندي والم بيه,,,,,,وجرحي بالكلب ينزف والم بيه,,,,,,,يلوم الوكت ظل بية والوم بيه,,,,,,,, جرعت الصبر بس ما فاد بيه

 

[mohammed.shams]

ستاير لونها فراك

وتصاويرك برمشي

تعال اسمع حجي الناس

تكول الناس كلشي

شباب ويوم عن يوم

قطار العمر يمشي

 

[mohammed.shams]

أشكد نده ...
نكط على الضلع
ونسيت أكلك .. يمته
أشكد رازقي ونيمته
وأشكثر هجرك عاشر
ليالي الهوى وما لمته
لمن سحنت الليل
بكليبي
وكلت موش أنت

 

[mohammed.shams]

مُؤلِمْ أَنْ تُحَآدِثْ نَفسَكْ
بِ كَلآمٍ تُرِيدْ أَنْ تَقُولهَ لِ شَخصٍ مَآ وَ لآ تَستطِيعْ

 

[mohammed.shams]

بيگ جيه ؟

لو اشد امتاع كلبي
برفة العين واكلها
الراح راح وهاي
هيه